વરસાદની મોસમ પોતાની સાથે અનેક બીમારીઓ પણ લઈને આવે છે. આ ઋતુમાં વાળ ખરવા અને ત્વચા સંબંધિત સમસ્યાઓ ઝડપથી થવા લાગે છે. ભેજવાળા હવામાન અને વધતા ભેજને કારણે પરસેવો સુકતો નથી. જેના કારણે વાળ ઝડપથી ખરવા લાગે છે. ઘણી વખત વરસાદમાં ભીના થવાથી અને યોગ્ય કાળજી ન લેવાથી પણ વાળ ખરવાની સમસ્યા વધી જાય છે. આવી સ્થિતિમાં, સિઝન અનુસાર તમારા વાળની સંભાળમાં થોડો ફેરફાર કરવો જરૂરી છે. વરસાદની ઋતુમાં વાળ ખરતા અટકાવવા માટે તમારા વાળમાં નિયમિત તેલ લગાવવું અને તેને સાફ રાખવા જરૂરી છે. 

જો તમારા વાળ વરસાદમાં ભીના થઈ જાય છે, તો શેમ્પૂથી વાળ ધોઈ લો, વરસાદના પાણીમાં ઘણા રસાયણો અને કાર્બન હોય છે. તેથી, જો તમે ક્યારેય વરસાદમાં ભીના થાઓ, તો તરત જ તમારા વાળને સ્વચ્છ પાણીથી શેમ્પૂ કરવાનું ભૂલશો નહીં. માત્ર ભીના વાળ સુકાવવાથી કામ પૂરું નથી થઈ જતું, તમારા વાળને શેમ્પૂથી ધોવા પણ મહત્વપૂર્ણ છે.

જો વાળ વરસાદના પાણીથી ભીના થઈ ગયા હોય, તો સાદા પાણીને બદલે હૂંફાળા પાણીથી સ્નાન અને શેમ્પૂ કરો. જેના કારણે વરસાદના પાણીમાં ભળેલા પ્રદૂષણ અને રસાયણોનો નાશ થાય છે અને વાળ અને ત્વચાને નુકસાન ન થાય. આનાથી શરદી થવાનું જોખમ પણ ઘટે છે.

ચોમાસામાં સ્કાલ્પ ઓઈલી થવાને કારણે વાળ ખરવાની સમસ્યા વધી શકે છે. ખાસ કરીને એ વાતનું ધ્યાન રાખો કે વરસાદની ઋતુમાં તમારુ સ્કેલ્પ સૂકું રહે. ભેજ વાળ તૂટવાનું કારણ બને છે અને ડેન્ડ્રફ અથવા ફંગલનું જોખમ વધારે છે. તેથી તમારા વાળને હંમેશા સૂકા રાખો.