ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ-૧૦નું આજરોજ (તા. ૧૧/૦૫/૨૦૨૪) પરિણામ જાહેર કરવામાં આવ્યું છે. 

જિલ્લાની ૧૦૦ ટકા પરિણામ ધરાવતી શાળાઓ ૧થી વધીને ૧૯ થઈ છે. ૯૦ ટકા ઉપર પરિણામ ધરાવતી શાળાની સંખ્યા ૫૮ તેમજ ૮૦ ટકા ઉપર પરિણામ ધરાવતી શાળાની સંખ્યા ૯૨ નોંધાઈ છે. જ્યારે ૩૦ ટકા કરતાં ઓછું પરિણામ ધરાવતી શાળાઓની સંખ્યા વર્ષ ૨૦૨૩ની સાપેક્ષમાં ૧૭ માંથી ઘટી ૫ જોવા મળી છે.

કેન્દ્ર વાઈઝ પરિણામ જોઈએ તો ખંભાળિયા કેન્દ્રનું ૭૮.૪૮ ટકા, ભાણવડ કેન્દ્રનું ૭૮.૯૩ ટકા, દ્વારકા કેન્દ્રનું ૬૩.૬૫ ટકા, રાવલ કેન્દ્રનું ૮૮.૭૫ ટકા, મીઠાપુર કેન્દ્રનું ૭૭.૧૯ ટકા, ભાટિયા કેન્દ્રનું ૮૩.૧૯ ટકા, કલ્યાણપુર કેન્દ્રનું ૮૯.૭૫ ટકા અને નંદાણા કેન્દ્રનું ૯૩.૯૧ ટકા પરિણામ આવ્યું છે.

નોંધનીય છે કે વર્ષ ૨૦૨૩માં જિલ્લામાં ધોરણ ૧૦નું પરિણામ ૬૭.૨૯ ટકા નોંધાયું હતું. વર્ષ ૨૦૨૩ની સાપેક્ષમાં પરિણામમાં ૧૨.૬૧ ટકાનો વધારો થયો છે.