મૂળ ઉના પંથકની અને રાજુલામાં રહેતી યુવતિ સાથે રાજુલામાં રહેતા અને ટુર એન્ડ ટ્રાવેલ્સનું કામ કરતા 70 વર્ષીય વૃધ્ધએ યુવતી સાથે વારંવાર બળાત્કાર ગુજારી હિંસક રીતે શરીરના ભાગે બટકા ભરી બિભિત્સ ફોટો વાયરલ કરી પરિવારને જાનથી મારી નાખવાની ધમકી આપતા યુવતિએ વૃધ્ધ સામે રાજુલા પોલીસમાં ફરિયાદ નોંધાવતા પોલીસે વૃધ્ધ સામે ગુનો નોંધ્યો છે.

બનાવની પ્રાપ્ત વિગત મુજબ ઉના પંથકની 29 વર્ષીય યુવતીએ રાજુલામાં રહેતા અને ટુર એન્ડ ટ્રાવેલ્સના વ્યવસાય સાથે સંકળાયેલા મહેશ ઉર્ફે જાની હરિશંકરભાઈ જાખરા (ઉ.વ.૭૦)ના વૃધ્ધ સામે નોંધાવેલી ફરિયાદમાં જણાવ્યું હતું કે, મને સીંગીગ કલાકાર બનવાનો શોખ હોવાથી આજથી ત્રણેક વર્ષ પહેલા મહેશભાઈ ઉર્ફે જાનીએ મને સિંગર અમદાવાદ ખાતે ગીતનું શુટીંગ કરવા માટેની લાલચ આપી અમદાવાદ લઈ જવાનું કહી રાજુલામાં યોગી કોમ્પ્લેક્ષથી થોડે દુર આવેલ સોસાયટીમાં તેની બહેનના ઘરે લઇ ગયા હતા અને ત્યાં મકાનના રૂમમાં મારી સાથે બળજબરી પૂર્વક શરીર સંબધ બાંધ્યો હતો તેમજ અમદાવાદના પાલડી ખાતે આવેલી ગોપી હોટેલમાં પણ અવાર નવાર લઇ જઈ બળાત્કાર ગુજારી સૃષ્ટિ વિરુધ્ધનું કૃત્ય કરવામાં આવ્યું હતું. તેમજ શરીરના ભાગે બચકા ભરી અસંખ્ય વાર બળજબરી પૂર્વક શરીર સબંધ બાંધ્યો હતો. તેમજ મને નગ્ન ફોટા વાયરલ કરવાની અને પરિવારને જાનથી મારી નાખવાની ધમકી આપી હતી. પોલીસે યુવતીની ફરિયાદના આધારે વૃધ્ધ સામે ગુનો નોંધી સંકજામાં લઇ આગળની કાર્યવાહી હાથ ધરી છે.