દુધાળા પશુઓને અપાતા ગેરકાયદે ઇન્જેકશનો બનાવવાની ફેકટરીને એસઓજીએ પકડી પાડી હતી, મુદામાલ કબ્જે કરી એક શખ્સની અટકાયત કરવામાં આવી છે. 

રેન્જ આઇજી અશોકકુમાર યાદવ તથા દ્વારકા એસપી નિતેશ પાંડેય દ્વારા જિલ્લામાં શંકાસ્પદ કેમીકલનો ઉપયોગ કરી પ્રોડકટ બનાવતી કંપનીઓ ઉપર ખાનગી તપાસ કરી શંકાસ્પદ જણાઇ આવ્યે કાર્યવાહી કરવા પીઆઇ પી.સી. સીંગરખીયાને જ‚રી સુચના તથા માર્ગદર્શન આપેલ જે અનુસંધાને એસઓજી દ્વારકા એએસઆઇ કાનાભાઇ માડમ, નગાભાઇ ગાગીયા, હેડક કોન્સ રણમલભાઇ પરમાર ભાણવડ પોલીસ સ્ટેશન વિસ્તારમાં પેટ્રોલીંગમાં હતા.
દરમ્યાન એએસઆઇ રણમલભાઇ માડમ, ભીખાભાઇ ગાગીયાને સંયુકત રીતે હકીકત મળેલ કે, ચોખંડા ગામે રહેતા કરશન નારણ ગોજીયા પોતાના કબ્જાના પશુ બંધાવાના વાડામાં ગેરકાયદે રીતે દુધાળા પુશુઓ વધુ અને નિયમીત દુધ આપે તે માટેના ઇન્જેકશન બનાવવાની પ્રવૃતી કરેછે. 

આ ચોકકસ હકીકત આધારે જ‚રી કાર્યવાહી કરી હકીકત મુજબના સ્થળે તપાસ કરતા કરશન નારણ ગોજીયા, રહે. ચોખંડા ગામ, ઝાપા પાસે તા. ભાણવડવાળો મળી આવેલ તેમજ તપાસ દરમ્યાન ભોગવટાના પશુ બાંધવાના વાડામાં પશુઓ માટે વપરાતા ઇન્જેકશન બનાવવમાં વપરામાત કેમીકલો તેમજ અન્ય પેકેજીંગનો મુદામાલ મોટી માત્રામાં ખાલી બોટલો તથા બજારમાં વેચાણ કરવા બનાવેલ શંકાસ્પદ પ્રવાહી ભરેલી બોટલો વિગેરે મળી આવી હતી.
જે બાબતે ઇસમની પુછપરછ દરમ્યાન શંકાસ્પદ કેમીકલ તથા પેક કરી અને બજારમા વેચાણ કરતા હોવાની કબુલાત આપેલ જે બાબતે કોઇપણ જાતની નિષ્ણાંત હોવાુ પ્રમાણપત્ર કે મુદામાલ બાબતે આધાર પુરાવા રજુ કરી શકેલ ન હોય આરોપી વિરુઘ્ધ સીઆરપીસી કલમ ૪૧(૧), ડી, ૧૦૨ મુજબ કાર્યવાહી કરી આરોપીને હસ્તગત કરી મુદામાલ સાથે ભાણવડ પોલીસ સ્ટેશન ખાતે વધુ તપાસ અર્થે સોપી આપેલ છે.