જ્યારે કપિલ શર્મા ઓટીટી પ્લેટફોર્મ નેટફ્લિક્સ પર પાછો ફર્યો ત્યારે ચાહકોની ખુશીની કોઈ સીમા ન રહી. કારણ કે એક તો, તેમનો ફેવરિટ કોમેડી શો ફરી એકવાર કમબેક કરી રહ્યો હતો, બીજું, કપિલ શર્મા અને સુનીલ ગ્રોવરની જોડી ફરીથી દર્શકોનું મનોરંજન કરવા જઈ રહી હતી. હવે જ્યારે 'ધ ગ્રેટ ઈન્ડિયન કપિલ શો'ની પહેલી સીઝન પૂરી થઈ ગઈ છે, ત્યારે કપિલ શર્મા ક્વોલિટી ટાઈમ વિતાવી રહ્યો છે. કોમેડી કિંગે સોશિયલ મીડિયા પર એક વીડિયો પોસ્ટ કર્યો છે જેમાં તે પ્લેન ઉડતો જોવા મળી રહ્યો છે.

હંમેશની જેમ કપિલ શર્માએ વિડિયોનું કેપ્શન કોમિક સ્ટાઈલમાં લખ્યું છે. કપિલ શર્માએ વીડિયોના કેપ્શનમાં લખ્યું- આયાત પ્લેન તુમ્હારા ભાઈ ઉડાયેગા. વીડિયોમાં કપિલ શર્મા કો-પાયલોટ સીટ પર બેઠેલા જોઈ શકાય છે. તે હસતો જોવા મળે છે, જ્યારે તેની પાછળ બેઠેલી વ્યક્તિ આસપાસના દ્રશ્યોને કેમેરામાં કેદ કરી રહી છે. કપિલ શર્માએ વીડિયોમાં પ્લેન ટેક-ઓફથી લઈને એરિયલ ફન અને પછી લેન્ડિંગ સુધીની ઝલક બતાવી છે. લોકો કોમેન્ટ સેક્શનમાં તેની મસ્તી કરતા જોવા મળ્યા.

એક સોશિયલ મીડિયા યુઝરે લખ્યું, "સર, તમે ભાભીને ક્યાં મૂકી ને જતાં રહ્યા ? ઘરે પહોંચ્યા પછી તમારી તબિયત સારી તો છે ને  ?." એક વ્યક્તિએ લખ્યું- લાલ બટન ન દબાય તેનું ધ્યાન રાખજો. એક યુઝરે લખ્યું- તમે જાણો છો કે પાજી આને કેવી રીતે લેન્ડ કરવું? કપિલ શર્માના એક ફોલોવરે તેની પોસ્ટ પર લખ્યું - મજાક ઉડાવતા ઉડાવતા પ્લેન ઉડાવવા લાગ્યા. એક યુઝરે લખ્યું- કી હોયા પાજી. દો પેગ ઓર હો ગયે કયા ? એક યુઝરે મજાકિયા અંદાજમાં લખ્યું- ટેક કેર કપ્પુ પાજી. અમે આગામી એપિસોડની રાહ જોઈ રહ્યા છીએ.

OTT પ્લેટફોર્મ Netflix પર કોમેડી કિંગ કપિલ શર્માનો આ બીજો પ્રોજેક્ટ હતો. આ પહેલા તે એક સ્ટેન્ડઅપ શોમાં જોવા મળ્યો હતો જેમાં તેણે લોકોનું ખૂબ મનોરંજન કર્યું હતું. આ શો આખી દુનિયામાં ખૂબ જ લોકપ્રિય થયો અને ત્યારપછી Netflix આ શો લાવ્યું જેમાં કપિલ શર્મા અને સુનીલ ગ્રોવર લાંબા સમય પછી ફરી એક સાથે આવ્યા. કપિલ શર્મા અને સુનીલ ગ્રોવર વચ્ચે ફ્લાઈટ દરમિયાન ઝઘડો થયો હતો જે બાદ બંને અલગ થઈ ગયા હતા.