દિલ્હીના નરેલા ઈન્ડસ્ટ્રીયલ એરિયામાં આવેલી પ્લાસ્ટિક પોલીથીન મેન્યુફેક્ચરિંગ ફેક્ટરીમાં આજે સવારે લગભગ 6.35 કલાકે ભીષણ આગ લાગી હતી. આગ લાગવાની થોડી જ વારમાં આગ નજીકની બે ફેક્ટરીઓને પણ આગની લપેટમાં આવી ગઈ હતી. આ અંગે પોલીસ અને ફાયર ફાયટરોને જાણ કરવામાં આવતા ફાયરની 25 ગાડીઓ ઘટના સ્થળે પહોંચી ગઈ હતી. આગ લાગવાના કારણો હજુ સુધી સામે આવ્યું નથી. પોલીસ આ મામલે તપાસ કરી રહી છે

દુર્ઘટના સમયે ફેક્ટરીમાં ઘણા કામદારો કરી રહ્યા કામ

મળતી માહિતી મુજબ, દુર્ઘટના સમયે સી બ્લોકમાં આવેલી આ ફેક્ટરીમાં ઘણા કામદારો કામ કરી રહ્યા હતા. સદનસીબે તમામ કામદારો સમયસર બહાર આવી ગયા હતા. હજી સુધી કોઈ જાનહાનીની સમાચાર સામે આવ્યા નથી. 25થી વધુ ફાયર ફાઈટર આગ પર કાબુ મેળવવાનો પ્રયાસ કરી રહી છે.

પોલીસ અધિકારીના જણાવ્યા અનુસાર, આગ લાગવાનું કારણ હજુ સુધી જાણી શકાયું નથી. પોલીસ આ મામલે તપાસ કરી રહી છે અગ્નિશામકોએ જણાવ્યું કે, ફેક્ટરીમાં પોલીથીન બનાવવા માટેની સામગ્રીનો મોટો જથ્થો રાખવામાં આવ્યો હતો, જેના કારણે આગ ઝડપથી ફેલાઈ હતી.