અમેરિકામાં એક હૃદયદ્રાવક ઘટના પ્રકાશમાં આવી છે. અહીં ૧૧ જ વર્ષની બાળકીએ આત્મહત્યા કરી છે. છોકરીની માતાએ આરોપ લગાવ્યો છે કે શાળાના અન્ય વિધાર્થીઓ તેને હેરાન કરતા હતા. તેઓએ તેમનું અપમાન કરીને કહ્યું કે તેમનો પરિવાર અમેરિકામાં ગેરકાયદેસર રીતે રહે છે અને ટૂંક સમયમાં તેમના માતાપિતાને સાંકળોથી બાંધીને દેશમાંથી કાઢી મૂકવામાં આવશે. માતાના આરોપો બાદ હવે ગેઇન્સવિલે ઇન્ડિપેન્ડન્ટ સ્કૂલ ડિસ્ટિ્રકટ પોલીસે તપાસ શ કરી છે. બાળકીને પણ બીક લાગી હતી કે કયાંક તેમને સાંકળથી બાંધીને અમેરિકામાંથી ડીપોરટ કરવામાં આવશે તો?
ટેકસાસની રહેવાસી જોસેલિન રોજો કેરાન્ઝાએ ૮ ફેબ્રુઆરીએ આત્મહત્યા કરી હતી. તેની માતાએ ફરિયાદ કરી કે સ્કુલમાં અન્ય વિધાર્થીઓ તેને હેરાન કરતા હતા જો કે મારી દીકરીએ કયારેય એવો કોઈ સંકેત આપ્યો નથી કે તે આટલી તણાવમાં હતી, જોસેલિનની માતા, માર્બેલા કેરાન્ઝાએ કહ્યું. મને કયારેય ખબર નહોતી કે તેને શાળામાં ગુંડાગીરી કરવામાં આવી રહી છે. ૧૧ વર્ષની બાળકીની આત્મહત્યા બાદ સોશિયલ મીડિયા પર ડોનાલ્ડ ટ્રમ્પ વિશે અનેક પ્રશ્નો ઉભા થઈ રહ્યા છે. લોકો આ વિધાર્થીની આત્મહત્યા માટે તેની નીતિઓને જવાબદાર માને છે.
હકીકતમાં, ડોનાલ્ડ ટ્રમ્પે બીજી વખત અમેરિકાના રાષ્ટ્ર્રપતિ તરીકે કાર્યભાર સંભાળતાની સાથે જ તેમણે એક પછી એક અનેક નિર્ણયો લીધા જેણે સમગ્ર વિશ્વને પ્રભાવિત કયુ છે. આવો જ એક નિર્ણય દેશના ઇમિગ્રેશન કાયદાને કડક બનાવવાનો છે. ટ્રમ્પ વહીવટીતત્રં ગેરકાયદેસર ઇમિગ્રન્ટસને સતત દેશનિકાલ કરી રહ્યું છે. ઘણા દેશોના નાગરિકોને સાંકળોમાં બાંધીને તેમના દેશોમાં પાછા મોકલવામાં આવ્યા હતા, જેના કારણે ટ્રમ્પની ભારે ટીકા થઈ રહી છે