કેટરીના કૈફ અને વિજય સેતુપતિની ફિલ્મ 'મેરી ક્રિસમસ' આખરે 12 જાન્યુઆરીએ સિનેમાઘરોમાં રિલીઝ થઈ છે. શ્રીરામ રાઘવન દ્વારા નિર્દેશિત આ સસ્પેન્સ થ્રિલર ફિલ્મની ફિલ્મ રસિકો આતુરતાથી રાહ જોઈ રહ્યા હતા. જો કે ફિલ્મ રિલીઝ થયાના પ્રથમ દિવસે એટલે કે ઓપનીંગને ખાસ કઇ રીસ્પોન્સ મળ્યો ન હોવાનું ધ્યાને આવે છે. આ ફિલ્મના ઓપનીંગને દર્શકો તરફથી ખાસ પ્રતિભાવ નથી મળી રહ્યો.

કેટરીના અને વિજયની આ ફિલ્મ મેરી ક્રિસમસ માટે ઘણી અપેક્ષાઓ હતી. કેમ કે, આ જોડી પ્રથમ વખત જ મોટા પડદા પર જોવા મળી રહી છે. ફિલ્મમાં કેટરીના અને વિજય બંને એકબીજા સાથે રોમાન્સ કરતા જોવા મળે છે. પરંતુ ફિલ્મના ઓપનીંગ બોક્સ ઓફિસ કલેકશન એ સ્પષ્ટ કરે છે કે ફિલ્મને ધાર્યા મુજબનો પ્રતિસાદ મળ્યો નથી. આથી, કેટરીના અને વિજયની કેમેસ્ટ્રી દર્શકો પર પોતાનો જાદુ નથી ચલાવી શકી નથી.

આપને જણાવી દઇએ કે, મેરી ક્રિસમસની બોક્સ ઓફિસ પર ખૂબ જ નબળી શરૂઆત જોવા મળી છે. ફિલ્મ મેરી ક્રિસમસે તેના શરૂઆતના દિવસે માત્ર 2.55 કરોડ રૂપિયાનું જ કલેકશન કર્યું હતું. પ્રથમ દિવસના આ નબળા કલેકશનને જોતા ફિલ્મ લોકોની અપેક્ષા પર ખરી ઉતરે તેવું લાગતું નથી. જો ફિલ્મની ગતિ આ જ પ્રકારે ચાલુ રહેશે તો સ્પષ્ટ છે કે મેરી ક્રિસમસ વધુ કમાણી કરી શકશે નહીં. તમને જણાવી દઈએ કે મેરી ક્રિસમસ કેટરીનાની અત્યાર સુધીની સૌથી ઓછી ઓપનિંગ કરનારી ફિલ્મ સાબિત થઈ છે.

ફિલ્મની શરૂઆતના દિવસની કમાણીને ધ્યાને લઇએ તો આ ફિલ્મ બોક્સ ઓફિસ પર ટકી રહે તેવી શકયતા પણ ખૂબ ઓછી જણાય રહી છે. બીજી મહત્વની વાત એ છે કે, જો શનિવાર અને રવિવારે મેરી ક્રિસમસની કમાણીમાં કોઈ ઉછાળો નહીં આવે તો કેટરીનાની આ ફિલ્મ ફ્લોપ ફિલ્મોની યાદીમાં સામેલ થઈ જશે. ત્યારે હાલ તો સૌ કોઇની નજર આ ફિલ્મના વીકએન્ડ કલેક્શન પર ટકેલી છે.