શહેરમાં ચારેય દિશામાં રેસિડેન્સીયલ અને કોમર્શિયલ બાંધકામ ચાલી રહ્યા છે, સાઈટ પર બાંધકામ દરમિયાન કામ કરતા શ્રમિકો માટે પૂરતી સેફટીના સાધનો ન આપવામાં આવતા કે સુરક્ષા માટેની વ્યવસ્થા રાખવામાં ન આવતી હોવાથી કામ કરતી વખતે અનેક શ્રમિકો અને સાઈટ પર રહેતા બાળકો આકસ્મિક રીતે નીચે પટકાતા મોત થયાના બનાવ સામે આવ્યા છે એમ છતાં લેબર વિભાગ દ્રારા ચેકીંગ નામે કોઈ કાર્યવાહી કરવામાં ન આવતા આવા બનાવો વખતો વખત સામે આવી રહ્યા છે.ત્યારે બાંધકામ સાઈટના ચોથામાળેથી પડી જતા શ્રમિક યુવકનું મોત થયાનો વધુ એક બનાવ સામે આવ્યો છે.
કોઠારીયા ગામમાં રહેતો અને કડિયાકામની મજૂરી કરતો કેતન અરવિંદભાઈ સોલંકી (ઉ.વ.૨૯)નો યુવક ગઈકાલે ૧૫૦ ફટ રિંગ રોડ પર નવી બનતી હાર્મની હિલ્સ નામની બાંધકામ સાઈટના ચોથા માળે કડિયાકામ કરતો હતો ત્યારે અકસ્માતે નીચે પટકાતા ત્યાં કામ કરતા સાથી શ્રમિકો સહિતના દોડી ગયા હતા અને સારવાર માટે ખસેડવામાં આવ્યો હતો. યાં ટૂંકી સારવાર દરમિયાન દમ તોડી દેતા બનાવની જાણ તાલુકા પોલીસને કરવામાં આવતા પોલીસ સ્ટાફે હોસ્પિટલ પહોંચી જરી કાર્યવાહી કરી હતી. મૃતક બે ભાઈ એક બહેનમાં નાનો હતો. બનાવથી પરિવારમાં કલ્પાંત સર્જાયો છે