ગળાફાંસો ખાધેલી હાલતમાં મળી આવતા પોલીસની તપાસ

મોટી ખાવડી વિસ્તારમાં એક બંધ મકાનમાંથી પરપ્રાંતીય યુવતિનો ગળાફાંસો ખાધેલી હાલતમાં શંકાસ્પદ રીતે મૃતદેહ મળી આવતાં મેઘપર પોલીસ સ્ટેશનના પોલીસ હેડ કોન્સ્ટેબલ એલ.જી. જાડેજા બનાવના સ્થળે દોડી ગયા હતા અને તપાસ હાથ ધરી હતી.

મૃતક યુવતિ બનાવ સમયે ઘરમાં એકલી હતી, અને ઘર બંધ હતું. જો કે યુવતિઅે કયા સંજોગોમાં ગળાફાંસો ખાઈ લીધો છે, તે જાણી શકાયું નથી. આથી મૃતકના બિહાર રહેતા પરિવારને આ મામલે જાણ કરવામાં આવી છે અને પોલીસ દ્વારા મૃતદેહનો કબ્જો સંભાળીને પીએમ સહિતની કાર્યવાહી હાથ ધરવામાં આવી છે.