અમેરિકાના ફ્લોરિડાથી એક હૃદયદ્રાવક સમાચાર આવ્યા છે. ઓર્લાન્ડો ઇન્ટરનેશનલ એરપોર્ટ પર એક મહિલાએ પૂરતા દસ્તાવેજોના અભાવે તેના કૂતરાને વિમાનમાં સાથે લઇ જવાની મંજુરી નહીં મળતાં ડૂબાડીને મારી નાખ્યો હતો. પોલીસે મહિલાની ધરપકડ કરી છે. ફ્લોરિડા એનિમલ રાઇટ્સ ફાઉન્ડેશને આ ઘટનાની ટીકા કરી છે. તેમણે કડક સજાની હિમાયત કરી છે.

અહેવાલ મુજબ, 57 વર્ષીય એલિસન લોરેન્સ 16 ડિસેમ્બરે તેના કૂતરા ટાયવિન સાથે કોલંબિયાની યાત્રા માટે ઓર્લાન્ડો એરપોર્ટ પર પહોંચી હતી. જોકે, અધિકારીઓએ તેણીને કહ્યું કે તેની પાસે યોગ્ય દસ્તાવેજો નથી અને તેથી તે તેના પાલતુ પ્રાણીને પોતાની સાથે લઈ જઈ શકતી નથી. થોડા સમય પછી, એક એરપોર્ટ કર્મચારીને મહિલા શૌચાલયમાં એક મૃત કૂતરો મળ્યો. ઘટનાની માહિતી મળતાં, પશુ સેવા વિભાગને ફોન કરવામાં આવ્યો અને તપાસ બાદ પુષ્ટિ મળી કે કૂતરો ડૂબવાથી મૃત્યુ પામ્યો છે.

ઓર્લાન્ડો પોલીસ વિભાગ અનુસાર, એલિસન લોરેન્સની ધરપકડ કરવામાં આવી છે. પોલીસે લોરેન્સ પર પ્રાણીઓ પ્રત્યે ક્રૂરતાનો આરોપ લગાવ્યો છે. સોશિયલ મીડિયા પર લોકો આ મહિલાની ટીકા કરી રહ્યા છે.