પ્રાપ્ત વિગત મુજબ કોઠારીયા મેઈન રોડ પર રણુજા મંદિર પાસે વેલનાથ સોસાયટી શેરી નં-3માં રહેતા ઇન્દુબેન વિનુભાઈ કસરેજા (ઉ.વ.40)ના મહિલા આજે સવારે આજીડેમ ચોકડીથી કેટરર્સમાં કામ કરતા સાથી મહિલાઓ સાથે રીક્ષામાં બેસી જઈ રહ્યા હતા ત્યારે આજીડેમ ચોકડી પાસે સામેથી આવતા ડમ્પરે રિક્ષાને ઠોકર મારતા રિક્ષામાં સવાર ઇન્દુબેન બહાર ફેંકાઈ જતા માથા અને શરીરના ભાગે ઇજા થઇ હતી અકસ્માત સર્જાતા લોકોનાટોળા એકઠા થયા હતા અને કોઈએ 108ને જાણ કરતા ગંભીર હાલતમાં ઇન્દુબેનને પ્રથમ કિરણ હોસ્પિટલ અને ત્યાંથી સિવિલમાં ખસેડાયા હતા પરંતુ જીવ બચી શક્યો ન હતો. જયારે અન્ય ત્રણ મહિલાને ખાનગી હોસ્પિટલમાં સારવાર આપવામાં આવી હતી. બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી. મૃતક ઇન્દુબેનના પતિ વિનુભાઈ મજૂરી કામ કરે છે અને સંતાનમાં બે દીકરા એક દીકરી છે. બનાવથી પરિવારમાં ગમગીની છવાઈ છે.