જેતપુર તાલુકાના મોટા ગુંદાળા ગામે રહેતી પરિણીતાએ ઝેરી દવા પી લેતા તેને સારવાર માટે હોસ્પિટલ ખસેડવામાં આવી હતી.અહીં સારવાર કારગત નીવડે તે પૂર્વે જ પરિણીતાનું મોત થયું હતું. પરિણીતાએ કયાં કારણસર આ પગલું ભરી લીધું તે અંગે પરિવારજનો અજાણ હોય પોલીસે પરિણીતાના આપઘાતનું કારણ જાણવા તપાસ હાથ ધરી છે.
આપઘાતના આ બનાવની જાણવા મળતી વિગતો મુજબ,જેતપુર તાલુકાના મોટા ગુંદાળા ગામે રહેતી ઉષાબેન જયેશભાઇ સોલંકી(ઉ.વ 23) નામની પરિણીતાએ ગઇકાલે બપોરના સમયે ધરે ઝેરી દવા પી લીધી હતી.જ
ે અંગેની જાણ થતા તેને સારવાર માટે હોસ્પિટલ ખસેડવામાં આવી હતી.પરંતુ અહીં સારવાર કારગત નીવડે તે પૂર્વે જ પરિણીતાએ દમ તોડી દીધો હતો.બનાવની જાણ થતા જેતપુર તાલુકા પોલીસ મથકના સ્ટાફે અહીં પહોંચી જરૂરી કાર્યવાહી કરી હતી.
આપઘાતના આ બનાવની વિશેષમાં જાણવા મળતી વિગતો મુજબ,ઝેરી ટીકડા ખાઇ આપઘાત કરનાર પરિણીતાનો લગ્નગાળો ત્રણ વર્ષનો છે તેનો પતિ જયેશભાઇ મજુરીકામ કરી પરિવારનું ગુજરાન ચલાવે છે.પરિણીતાના પિતાનું નામ ભગવાનજીભાઇ જીણાભાઇ ગોહેલ છે.
પરિણીતાએ કયાં કારણસર આ પગલું ભરી લીધું તે અંગે પરિવારજનો અજાણ હોય આ અંગે જેતપુર તાલુકા પોલીસ મથકના પીએસઆઇ આર.એ.જાડેજાની રાહબરીમાં રાઇટર મનસુખભાઇએ તપાસ શરૂ કરી છે.