વાહન અકસ્માતોનું પ્રમાણ વધી રહ્યું છે તેવામાં વાંકાનેરમાં જોખમી રીતે વાહનોમાં પેસેન્જરો બેસાડીને લઈ જતા ત્રણ વાહનચાલકો સામે પોલીસે કાયદેસરની કાર્યવાહી હાથ ધરી છે.
​​​​​​​
વાંકાનેર સીટી પોલીસ વિવિધ રોડ રસ્તા ઉપર વોચ રાખી વાહન ચેકીંગ કરી રહી હોય આ દરમ્યાન જોખમી રીતે ખચોખચ મોટી સંખ્યામાં માણસો બેસેલ ત્રણ વાહનો મળી આવતા ત્રણેય વાહન ચાલકો સામે આઈપીસી તેમજ મોટર વ્હીકલ એકટ મુજબ કાયદેસરની કાર્યવાહી કરવામાં આવી છે. આ સાથે વાહન ચાલકો વેસ્તા ધુમસિંહ દેવકીયા રહે. છોટી ફાટક તા.ભાબરા જી. અલીરાજપુર એમપી, માનસિંહ નુરલા ડાવર ઉ.વ.૩૧ રહે. બોકડીયા તા. ચાંદપુર એમપી અને જીતેન્દ્ર દરીયાવસિંગ માવડા ઉ.વ.૨૫ રહેે. કાલીખેતા તા.જોબટ એમપીવાળાને પકડી પાડવામાં આવ્યા હતા. 
આ કામગીરીમાં પીઆઈ વી.પી.ગોલ, હેડ કોન્સ્ટેબલ ભોજરાજસિંહ ઝાલા, ઘનશ્યામભાઈ બાર તેમજ વાંકાનેર સીટી પોલીસ સ્ટેશન સર્વેલન્સ સ્ટાફના માણસો જોડાયા હતા.