ઇન્ડિયન પ્રીમિયર લીગ (IPL) 2024 ની સૌથી મોટી લીગ મેચ 18 મેના રોજ RCB vs CSK વચ્ચે થવાની છે. રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ વચ્ચેની મેચનું પરિણામ નક્કી કરશે કે કઈ ચોથી ટીમ IPL 2024 પ્લેઓફમાં રમશે. કોલકાતા નાઈટ રાઈડર્સ, રાજસ્થાન રોયલ્સ અને સનરાઈઝર્સ હૈદરાબાદે આઈપીએલ 2024 પ્લેઓફ માટે ટિકિટ મેળવી લીધી છે. આ મહત્વપૂર્ણ મેચ પહેલા RCB સ્ટાર ક્રિકેટર વિરાટ કોહલીનો એક રસપ્રદ ઈન્ટરવ્યુ સોશિયલ મીડિયા પર શેર કરવામાં આવ્યો છે. આ વીડિયો રોયલ ચેલેન્જર્સ બેંગ્લોરના ઓફિશિયલ સોશિયલ મીડિયા એકાઉન્ટ પર શેર કરવામાં આવ્યો છે, જેમાં વિરાટ કોહલીએ તેના પુત્ર અકાય અને પુત્રી વામિકા વિશે વાત કરી છે.

વિરાટે તેની પુત્રી વામિકા વિશે કહ્યું, 'મારી દીકરીએ અહીં બેટ ઉપાડ્યું હતું અને તેને બેટ સ્વિંગ કરવામાં ખૂબ જ મજા આવી હતી. પણ હા… હું કશું કહી શકું એમ નથી… અંતે શું કરવું એ તેની પસંદગી હશે. RCBએ CSK સામેની હાર સાથે IPL 2024ની શરૂઆત કરી હતી. આ પછી ટીમે એક મેચ જીતી હતી, પરંતુ સતત છ મેચ હાર્યા બાદ RCB પ્લેઓફની રેસમાંથી લગભગ બહાર થઈ ગયું હતું, જો કે આ પછી RCBએ સતત પાંચ મેચ જીતી અને ફરી એકવાર પ્લેઓફની રેસમાં થોડી આગળ આવી ગઈ છે.