ઉના શહેરમા દેલવાડા રોડ ઉપર નાગનાથ મંદિર પાસે બે મોટર સાયકલ અને રિક્ષા વચ્ચે ત્રિપલ અકસ્માત થયો હતો બે મોટર સાયકલ રોડની સાઈડના ખાડામાં પડી ગઈ હતી. જાણવા મળતી વિગત મુજબ જાફરાબાદના અશ્વિનભાઈ સોમાભાઈ સોલંકી (ઉ.વ. 40) અને તેમનો પુત્ર રાજહંસ અશ્વિનભાઈ સોલંકી (ઉં.વ. 12) બન્ને મોટરસાયકલ ઉપર જતા હતા ત્યારે બીજી એક મોટર સાયકલ અને રિક્ષા અચાનક ભટકાઈ જતા પિતા અને પુત્ર રોડ ઉપર ફંગોળાઈ પડી ગયા હતા. જયારે અંજલિબેન નાનજીભાઈ બારીયા (રે. નવા બંદર) અને રાધિકાબેન યોગેશભાઈ સોલંકી અને રિક્ષાચાલકને ઈજાઓ પહોંચી હતી તેમને 108 એબ્યુલન્સ મારફત ઉના હોસ્પિટલે ખસેડવામાં આવ્યા હતા. જેમાં અશ્વિનભાઈ સોલંકી અને રાજહંસ સોલંકીને માથામાં પગમા ગંભીર ઈજાઓ થઈ હતી તેમને વધુ સારવાર માટે ખસેડાયા હતા. જોરદાર અકસ્માત થતાં રોડ ઉપર ટ્રાફિક જામ થઈ ગયો હતો પોલીસ પણ ઘટના સ્થળે પહોંચી ટ્રાફિક હળવો કરેલ હતો.