શહેરના સોરઠીયાવાડી સર્કલ અને સતં કબીર રોડ પર મોબાઇલ આઇ.ડી મારફત ક્રિકેટ મેચ પર સટ્ટો રમી રહેલા બે શખસોને પોલીસે ઝડપી લઇ તેમની સામે કાયદેસરની કાર્યવાહી કરી હતી.ક્રાઇમ બ્રાંચ અને આજીડેમ પોલીસ મથકના સ્ટાફે આ દરોડા પાડયા હતાં.
જાણવા મળતી વિગતો મુજબ,ક્રાઇમ બ્રાંચની ટીમ પેટ્રોલીંગમાં હતી દરમિયાન સંતકબીર રોડ પર શિવાલય કોમ્પલેકસ પાસે જાહેરમાં મોબાઇલ આઇડી મારફત ઓસ્ટ્રેલિયામાં રમાઇ રહેલી બીગ બેશ લીગની ટી–૨૦ ક્રિકેટ મેચ પર સટ્ટો રમી રહેલા વિશાલ જયંતીભાઇ પાલા(ઉ.વ ૩૮ રહે. કોઠારીયા મેઇન રોડ રણજા મંદિર પાસે સોમનાથ સોસાયટી શેરી નં.૩) ને ઝડપી લીધો હતો.પોલીસે આરોપી પાસેથી .૧૦ હજારની કિંમતનો મોબાઇલ કબજે કરી કાયદેસરની કાર્યવાહી કરી હતી.
જયારે અન્ય એક દરોડામાં ભકિતનગર પોલીસ મથકના સ્ટાફે સોરાઠીયા વાડી સર્કલ પાસેથી પ્રફુલ રણછોડભાઇ કાચા(ઉ.વ ૫૫ રહે. કોઠારીયા કોલોની કવાર્ટર નં.૨૮૩) નામના પાનના ધંધાર્થીને મોબાઇલ આઇ.ડી મારફત ક્રિકેટ મેચ પર સટ્ટો રમતા ઝડપી લઇ તેની પાસેથી .૧૫ હજારની કિંમતનો મોબાઇલ કબજે કરી આરોપી સામે જુગારધારાની કલમ હેઠળ ગુનો નોંધી કાયદેસરની કાર્યવાહી કરી હતી.