શહેરનાં ‚વાપરી રોડ પર ભારે ટ્રાફીક હોય બાઈક સવાર યુવાને હોર્ન મારતા આગળ ઉભેલા બે શખ્સોએ ‘કેમ વારંવાર હોર્ન મારે છે’ તેમ કહી ઢીકા-પાટુનો માર મારી બે પૈકીના એક શખ્સે છરી વડે હુમલો કરી ગંભીર ઈજા પહોંચાડ્યાની ફરીયાદ ઘોઘા રોડ પોલીસ મથકમાં નોંધાવાતા પોલીસે ગુનો દાખલ કરી તપાસ હાથ ધરી હતી.
શહેરના ‚વાપરી રોડ, બરફના કારખાના સામે, હનુમાનજી મંદિર પાસે રહેતા સુમીતભાઈ ઉર્ફે કાનો બાબુભાઈ ખંભાતી (ઉં.વ.૧૯)એ ઘોઘા રોડ પોલીસ મથકમાં ફરીયાદ નોંધાવી જણાવ્યું હતું કે, પોતે અને તેના મિત્ર કિશન ડાભી બાઈક લઈ મહિલા કોલેજ જવા નીકળ્યા હતા, તે દરમ્યાન રોડ પર ભારે ટ્રાફીક હોવાથી પોતે બાઈકનો હોર્ન મારતા હતા, જેથી આગળ ઉભેલા રોહીત ઉર્ફે બાબુ જેઠવા અને રોહીતનો મિત્રએ ‘કેમ વારંવાર હોર્ન મારે છે’ તેમ કહી બોલાચાલી થતા ઉશ્કેરાઈ જઈ ઢીકા પાટુનો માર મારવા લાગેલ જે દરમિયાન રોહીતના મિત્રએ હાથમાં છરી લઈ પોતાના પર હુમલો કરી ગંભીર ઈજા પહોંચાડી નાસી છુટ્યો હતો. 
સુમીતભાઈ ઉર્ફે કાનો બાબુભાઈ ખંભાતીએ નોંધાવેલી ફરીયાદના આધારે ઘોઘારોડ પોલીસે બંન્ને શખ્સ સામે જુદી જુદી કલમો હેઠળ ગુનો દાખલ કરી બનાવની વધુ તપાસ હાથ ધરી હતી.