ઉપલેટાના વચલા કલારીયા ગામે ખેતીમાં રહેતા મધ્યપ્રદેશના શ્રમીક પરિવારના બે બાળકો અજાણતા વોંકળામાં ડુબી જતાં તેના મોત થયા હતા.
પ્રા વિગતો મુજબ તાલુકાના વચલા કલારીયા ગામે મધ્યપ્રદેશના સિપાઈ દવાલી ગામના પરપ્રાંતીય શ્રમીક ઈતારમભાઈ સોલંકી વચલા કલારીયા ગામમાં ખેત મજુરી કરી વાડીકામ કરી રહ્યા હતા ત્યારે અજાણતા બાજુમાં આવેલા વોંકળાનાં કાંઠે સવારે ૧૦ વાગે રમી રહ્યા હતા ત્યારે કોઈ કારણોસર સુમર ઉ.વ.૨ નામના બાળકનો પગ લપસી જતાં તે પાણીમાં પડી જતાં તેને બહાર કાઢવા તેની મોટી બહેન શિવાની ઉ.વ.૪ બચાવવા જતાં બન્ને પાણીમાં કાદવમાં ખુંચી જતાં તેમના મોત થયા હતા. આ ઘટના આગળ ખેતરમાં કામ કરી રહેલા લોકોને થતાં બન્ને બાળકોને બહાર કાઢી ઉપલેટાની સિવિલ હોસ્પિટલમાં પીએમ માટે લઈ આવતા સ્થળ પરના ડોકટરોએ બન્નેને મૃતક જાહેર કર્યા હતા. આ અંગેની વધુ તપાસ ભાયાવદર પોલીસ ચલાવી રહી છે