અકસમતના આ બનાવની જાણવા મળતી વિગતો મુજબ, શહેરના ગોંડલ ચોકડી પાસે ગત રાત્રે 2:30 વાગ્યા આસપાસ ડમ્પર અને ખાનગી બસ વચ્ચે અકસ્માત થયો હતો. આ દરમિયાન સિમેન્ટની બોરીઓ ભરીને ટ્રક આવ્યો હતો જે ટ્રક પલટી ખાઈ ગયો હતો. આ ઘટનામાં ટ્રક ચાલકને ઈજા પહોંચતા તાત્કાલિક હોસ્પિટલમાં ખસેડવામાં આવ્યો હતો. જોકે, આ દરમિયાન ટ્રક રસ્તા વચ્ચે જ પલટી ખાઈ ગયુ હોવાથી રાત્રિના સમયે ટ્રાફિકજામના દૃશ્યો સર્જાયા હતા. અકસ્માત થતા ખાનગી બસમાં સવાર મુસાફરો પણ ડરી ગયા હતા.

ઘટના બાદ વહેલી સવારે પોલીસને અકસ્માત અંગે જાણ કરવામાં આવી હતી. જે બાદ આજીડેમ પોલીસે પ્રાથમિક તપાસ હાથ ધરી અને રસ્તા પર પડેલા ટ્રકને સાઈડમાં ખસેડી ટ્રાફિક પૂર્વવત કર્યો હતો.