પાકિસ્તાનમાં બલૂચ લિબરેશન આર્મીએ એક પેસેન્જર ટ્રેનને હાઇજેક કરવાનો દાવો કર્યો છે. અહેવાલો અનુસાર, બલૂચ લિબરેશન આર્મીએ કહ્યું કે તેમની સેનાએ જાફર એક્સપ્રેસને હાઇજેક કરી છે અને 120 મુસાફરોને બંધક બનાવ્યા છે. બલૂચ લિબરેશન આર્મીએ 6 સૈન્ય સૈનિકોને પણ મારી નાખ્યા છે. બલૂચ લિબરેશન આર્મીએ ચેતવણી આપી છે કે, જો તેમની સામે કોઈ કાર્યવાહી કરવામાં આવશે તો તેઓ 120 બંધકોને મારી નાખશે.

એક નિવેદનમાં, બલૂચ લિબરેશન આર્મીએ જણાવ્યું હતું કે 'અમારા સ્વતંત્રતા સેનાનીઓએ રેલવે ટ્રેકને ઉડાવી દીધી છે, જેના કારણે જાફર એક્સપ્રેસ અટકી ગઈ છે. લડવૈયાઓએ ઝડપથી ટ્રેનનો કબજો લઈ લીધો છે, બધા મુસાફરોને બંધક બનાવી લીધા છે.' કડક ચેતવણી આપતા, બલૂચ લિબરેશન આર્મીએએ જાહેર કર્યું, 'જો કોઈપણ લશ્કરી કાર્યવાહીનો પ્રયાસ કરશે, તો તેના પરિણામો ગંભીર હશે. બધા બંધકોને ફાંસી આપવામાં આવશે અને આ રક્તપાતની જવાબદારી ફક્ત તેમની રહેશે.

બે વર્ષ પહેલા જાફર એક્સપ્રેસમાં વિસ્ફોટ થયો હતો 
16 ફેબ્રુઆરી 2023ના રોજ પણ પેશાવરથી ક્વેટા જતી જાફર એક્સપ્રેસમાં વિસ્ફોટ થયો હતો, જેમાં 2 લોકોના મોત થયા હતા. ટ્રેન ચિચાવતની રેલવે સ્ટેશન પાર કરી રહી હતી ત્યારે વિસ્ફોટ થયો. આ હુમલાની જવાબદારી તહરીક-એ-તાલિબાન પાકિસ્તાન (TTP)એ સ્વીકારી હતી.