​​​​​​​અમેરિકાના જંગલોમાંથી નાના કદના સ્પોટેડ ઘુવડની પ્રજાતિ લુપ્ત થઈ રહી હોય તેવું લાગી રહ્યું છે. તેમની ઘટતી સંખ્યાથી ચિંતિત અધિકારીઓએ ઘુવડની આ પ્રજાતિને બચાવવા માટે એક નવી યોજના બનાવી છે. જો કે આ આયોજન વિવાદોમાં ફસાઈ ગયું છે કારણકે તેનો બધાએ સ્વીકાર કર્યો નથી.

સ્પોટેડ ઘુવડની પ્રજાતિઓને લુપ્ત થવાથી બચાવવા માટે અમેરિકન વન્યજીવન અધિકારીઓ ઘુવડની અન્ય આક્રમક પ્રજાતિઓને મારી નાખવાની યોજના બનાવી રહ્યા છે.  સ્પોટેડ ઘુવડની સંખ્યામાં ઘટાડો થવાનું કારણ ઉત્તર અમેરિકામાં જોવા મળતા ઘુવડની પ્રજાતિ છે. જેને બાયર્ડ ઘુવડ કહેવામાં આવે છે.  આ પ્રજાતિ ઘુવડની સૌથી મોટી પ્રજાતિઓમાંની એક છે. આ પ્રજાતિ આક્રમક છે, જેની આક્રમકતાથી નાના સ્પોટેડ ઘુવડ લડી શકતા નથી કારણકે તેમની ક્ષમતા ઘણી ઓછી છે. ત્યારે યુએસ ફિશ એન્ડ વાઇલ્ડલાઇફ સર્વિસે એક નવી વ્યૂહરચના બનાવી છે. આ વ્યૂહરચના ઘુવડની આક્રમક પ્રજાતિઓને મારી નાખવા માટેની છે.

5 લાખ ઘુવડને મારવામાં આવશે

લુપ્ત થતી પ્રજાતિઓને બચાવવા માટે લગભગ 5 લાખ બાયર્ડ ઘુવડને મારી નાખવાની યોજના બનાવવામાં આવી છે. જો કે કેટલાક લોકો આ આયોજન સાથે સહમત નથી એમ કહે છે કે એક પ્રજાતિને બચાવવા માટે બીજી પ્રજાતિને મારી નાખવી એ ખોટું છે. આ વ્યૂહરચનાનો મુખ્ય ઉદ્દેશ ઓરેગોન, વોશિંગ્ટન સ્ટેટ અને કેલિફોર્નિયામાં સ્પોટેડ ઘુવડની પ્રજાતિઓની વસ્તી વધારવાનો છે. આ આયોજનની જાણકારી બુધવારે એટલે કે 3 જુલાઇના રોજ આપવામાં આવી હતી. એજન્સીએ પોતાના રિપોર્ટમાં કહ્યું છે કે લાંબા સમયથી નોર્ધન સ્પોટેડ આઉલ્સ અને કેલિફોર્નિયા સ્પોટેડ આઉલ્સે અતિક્રમણ કર્યું છે. તેમને નાબૂદ કરવા માટે  વિશેષ પ્રશિક્ષિત શૂટર્સની ભરતી કરવામાં આવશે. જેઓ પશ્ચિમ કિનારાના જંગલોમાં તૈનાત કરવામાં આવશે. માહિતીમાં જણાવવામાં આવ્યું હતું કે, આ આયોજન આવતા વર્ષે માર્ચ અથવા એપ્રિલ મહિનામાં કરવામાં આવશે. આ માટે મેગાફોન દ્વારા જંગલમાં ઘુવડના રેકોર્ડિંગ અવાજ વગાડીને બાકીના ઘુવડોને બોલાવવામાં આવશે અને ત્યારબાદ તેમને ગોળી મારીને તેમના મૃતદેહોને તે જ જગ્યાએ તરત જ દફનાવવામાં આવશે.

આ નાની સ્પોટેડ પ્રજાતિઓને બચાવવા માટે જંગલોમાં તેમના વિસ્તારોમાં વૃક્ષો કાપવા પર પણ પ્રતિબંધ મૂકવામાં આવ્યો હતો. યુએસ ફિશ એન્ડ વાઇલ્ડલાઇફ સર્વિસના સ્ટેટ સુપરવાઇઝર કેસિના લીએ જણાવ્યું હતું કે જો પ્રતિબંધિત ઘુવડનું કોઈ કાયમી વ્યવસ્થાપન નહીં કરવામાં આવે તો આટલા લાંબા સમયથી તમામ પ્રયાસો કરવા છતાં સ્પોટેડ ઘુવડની પ્રજાતિઓ લુપ્ત થઈ રહી છે. આ વ્યૂહરચના ઘણા લોકો દ્વારા અનિચ્છાએ સ્વીકારવામાં આવી છે. રોબિન બોવેન કે જેણે  માછલી અને વન્યજીવન સેવા માટેના ની સ્ટ્રેટેજી બનાવનાર છે તેણે  જણાવ્યું હતું કે 2009 માં લગભગ 4,500 બાર્ડ ઘુવડને મારવામાં આવ્યા હતા.

તેમણે વધુમાં કહ્યું કે જે ઘુવડોને મારવા માટે કહેવામાં આવ્યું છે તેમાં કેલિફોર્નિયાના ઘુવડ પણ છે. જેઓ હાલમાં જ આ વિસ્તારોમાં આવ્યા છે અને હવે અધિકારીઓ શૂટિંગ દ્વારા તેમની સંખ્યા ઘટાડવાના હેતુથી તેમની સંખ્યા ઘટાડવાનો પ્રયાસ કરી રહ્યા છે. ગયા વર્ષે  કેલિફોર્નિયાના સ્પોટેડ ઘુવડને સંઘીય સુરક્ષા માટે પ્રસ્તાવિત કરવામાં આવ્યો હતો પરંતુ આ અંગેનો નિર્ણય હજુ બાકી છે. જ્યારે ડોનાલ્ડ ટ્રમ્પ રાષ્ટ્રપતિ પદ સંભાળતા હતા ત્યારે તેમણે આ પક્ષીઓના ઘરની સુરક્ષા કર્યા વિના લાકડાના વ્યવસાયને વિસ્તારવા માટે વૃક્ષો કાપી નાખ્યા હતા પરંતુ પછીથી જો બાઈડેન સત્તામાં આવ્યા પછી તેના પર ફરીથી પ્રતિબંધ મૂકવામાં આવ્યો હતો.