એલસીબીએ અટકાયત કરી લાજપોર, સાબરમતી અને વડોદરા જેલમાં ધકેલ્યા

દ્વારકા જીલ્લાના 3 નામીચા બુટલેગરોને પાસા હેઠળ એલસીબીએ અટકાયત કરી લાજપોર, સાબરમતી અને વડોદરા જેલ ખાતે મોકલી આપવાની કાર્યવાહી કરી હતી. ચુંટણી અનુસંધાને માથાભારે, દારુ, જુગારની પ્રવૃતીઓ કરનારા શખ્સો સામે કડક પગલા લેવા એસપીએ સુચના કરતા આ દીશામાં સધન કાર્યવાહી કરવામાં આવી રહી છે.

રેન્જ આઇજી અશોકકુમાર યાદવ તથા દેવભુમી દ્વારકા એસપી નિતેશ પાંડેયએ લોકસભા ચુંટણી -2024ને ઘ્યાને લઇ કાયદો વ્યવસ્થા સુદડ બનાવવાના હેતુસર માથાભારે ઇસમો તેમજ દારૂ-જુગારના બુટલેગરો વિરુઘ્ધ કડક પગલાઓ લેવા કરેલ સુચના અનુસાર એલસીબી પીઆઇ કે.કે. ગોહીલની રાહબરી હેઠળ ભાણવડ પીએસઆઇ એમ.આર.સવસેટા, મીઠાપુર પીઆઇ એન.એચ. જોશી દ્વારા ભાણવડ, ખંભાળીયા અને દ્વારકા તાલુકામાં વિદેશી દારૂના જથ્થાનો સંગ્રહ કરી સપ્લાય કરી, વિદેશી દારૂનું ગેરકાયદેસર રીતે વેચાણ કરવાની પ્રવૃતી કરતા બુટલેગરોના ગુનાહીત ઇતિહાસની માહીતી એકત્રીત કરી, પાસા દરખાસ્તો તૈયાર કરી મોકલી આપેલ.

જે આધારે દેવભુમી દ્વારકા જિલ્લા કલેકટર જી.ટી. પંડયાએ જિલ્લામાં લોકસભા ચુંટણી દરમ્યાન શાંતીમય વાતાવરણ બની રહે તેની તકેદારીના ભાગરૂપે ત્વરીત નિર્ણય લઇ ઇસમો વિરુઘ્ધ પાસા દરખાસ્તો મંજુર કરી અટકાયત વોરંટો ઇસ્યુ કરતા એલસીબીના પીએસઆઇ બી.એમ. દેવમુરારી, એ.એલ. બારશીયાએ એલસીબીની ટીમ સાથે રહી ઓધડ લાખા મોરી રહે. તાળીવાળાનેશ, ભાણવડ-દ્વારકા, કમલેશ જેતા ભારવાડીયા રહે. કલાણપર, ભાણવડ-દ્વારકા અને મહેકભા મુળુભા કેર રહે. આરંભડા (મીઠાપુર) તા. દ્વારકાને વારા ફરતી રાઉન્ડઅપ કયર્િ હતા.

પાસા એકટ હેઠળ કાર્યવાહી કરી ઓધડને લાજપોર મઘ્યસ્થ જેલ, સુરત,  કમલેશને સાબરમતી મઘ્યસ્થ જેલ અમદાવાદ અને મહેકભાને વડોદરા મઘ્યસ્થ જેલ ખાતે મોકલી આપવા તજવીજ કરી હતી.