૫૦ કીલો વાયર શકપડતી મિલ્કત તરીકે કબ્જે લેવાયો

જામનગર નજીક ચેલા ગામ પાસે ૩ શખ્સને ૫૦ કીલો કોપર વાયરના જથ્થા સાથે નીકળતા પકડી લીધા હતા અને આ મુદામાલ શકપડતી મિલકત તરીકે કબ્જે કરાયો હતો.
જામનગર એસપી પ્રેમસુખ ડેલુ દ્વારા જીલ્લામાં બનેલા વણશોધાયેલા ગુના શોધી કાઢી અસરકાર કાર્યવાહી કરવા એલસીબીને સુચના કરી હતી, દરમ્યાન એલસીબીના દિલીપભાઇ, હિતેન્દ્રસિંહ, કાસમભાઇને મળેલ ખાનગી હકીકત આધારે જામનગર તાલુકાના ચેલા-૨, પાણીના ટાંકા પાસે તપાસ કરતા બિલ આધાર વગરના કોપરના જીણા તારના ગુચરા ૫૦ કીલો કિ. ૨૫ હજારનો મુદામાલ ૩ શખ્સો પાસેથી મળી આવ્યો હતો જે શકપડતી મિલકત તરીકે કબ્જે કર્યો હતો.
પોલીસે દરેડ આલ્ફા સ્કુલ પાસે રહેતા નવઘણ હીરા ચારોલીયા, જીવરાજ હીરા ચારોલીયા અને વિશાલ મનસુખ જખાણીયા નામના ૩ શખ્સોની અટક કરી હતી અને આગળની તપાસ માટે પંચકોશી-બી પોલીસને સોપી આપ્યા હતા.