કુંભારવાડામાં ‚ા.૭ લાખના તાંબા-પિતળની ચોરી કરનાર ત્રણ ઝડપાયા

  • April 05, 2025 04:14 PM 
Aajkaal Daily (Desh Pardesh Ni Aajkaal)


શહેરમાં કુંભારવાડા વિસ્તારમાં આવેલ ભંગારના ડેલામાથીરૂપિયા ૬. ૯૦ લાખની કિંમતના તાંબા પિતળના ભંગારની ચોરી થયાની નોંધાયેલી ફરિયાદના પગલે બોરતળાવ પોલીસે ગણતરીના સમયમાંજ ચોરીમાં સંડોવાયેલા ત્રણ  શખ્સોને ઝડપી લીધા હતા.  શહેરના વડવા નેરા વિસ્તારમાં રહેતા અને ભંગારનો વેપાર કરતા સોહિલભાઈ મજીદભાઇ માલકાણીએ બોરતળાવ  પોલીસ મથકમાં નોંધાવેલી ફરિયાદ  ગઇકાલે સવારે તેમની દુકાનનું શટર અડધુ ખુલ્લુ અને તાળુ તુટેલું હોવાનું તેમના પરિચિત  રાજુભાઈ માલકાણીએ જણાવતા સોહિલભાઈ તેમની દુકાને ગયા હતા અને દુકાને પહોંચ્યા બાદ તપાસ કરતા. દુકાનમાં રાખેલા તાંબા - પિતળના પ્લાસ્ટીકના થેલા કુલ નં. ૧૭ કિ.રૂા. ૬, ૯૦, ૦૦૦ની  કોઇ અજાણ્યા  તસ્કરો ચોરી કરી નાસી છૂટ્યા હતા. સોહિલભાઇએ નોંધાવેલી ફરિયાદના પગલે બોરતળાવ પોલીસે ચોરીનો ગુનો દાખલ કરી ગણતરીના સમયમાંજ ચોરીમાં સંડોવાયેલા  ઇમરાન મહેબુબ ભાઈ કુરેશી (રે.માઢિયાફળી, ડોડીયા પાન વાળો ખાંચો, ભાવનગર), મુજફર રજાક ભાઈ ચૌહાણ (રે. મોતી તળાવ, કુંભારવાડા, ભાવનગર) અને સાદીક ચાંદ ભાઈ સૈયદ(રે.અલકા ટોકીઝ   પાસે, બોડિયા મહાદેવ વાળો ખાંચો, ભાવનગર)ને ઝડપી લઈ આગળની કાર્યવાહી હાથ ધરી હતી.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application