આવતીકાલથી એટલે કે 1 જૂનથી નવા નિયમો બદલાશે lPG સિલિન્ડરના ભાવ  દર મહિનાની પહેલી તારીખે ઓઇલ માર્કેટિંગ કંપનીઓ એલપીજી સિલિન્ડરની કિંમતો (LPG Cylinder Price)માં સુધારો કરે છે. તેની અસર ઘરના રસોડાથી લઈને રેસ્ટોરન્ટ્સ સહિત અન્ય સેક્ટર પર પડે છે.  છેલ્લા કેટલાક મહિનાઓ પર નજર કરીએ તો 19 કિલોના કોમર્શિયલ એલપીજી સિલિન્ડરના ભાવમાં ઘણીવાર ફેરફાર થયો છે, પરંતુ 14 કિલોના ઘરેલુ ગેસ સિલિન્ડરની કિંમતો સ્થિર રહી છે. આવી સ્થિતિમાં આવતીકાલે 14 કિલોના LPG સિલિન્ડરના ભાવમાં રાહત મળે તેવી લોકોને અપેક્ષા છે.દર મહિનાની જેમ, જૂન મહિનામાં પણ મોટા ફેરફારો થવાના છે, જે તમારા ખિસ્સાને અસર કરી શકે છે. UPI, PF થી લઈને LPG સિલિન્ડરના ભાવ સુધી, 1 જૂનથી નિયમો બદલાશે...

શું છે ફેરફાર??

EPFO 3.0 રોલઆઉટ

સરકાર EPFO નું નવું વર્ઝન, EPFO 3.0 લોન્ચ કરવાની યોજના બનાવી બનાવી હતી  જે જૂન મહિનામાં શરૂ થઈ શકે છે. તેના લોન્ચ પછી, તમારા PF ક્લેમ કરવો ખૂબ જ સરળ થઈ જશે. ઉપરાંત, તમે ATM અને UPI માંથી પણ પૈસા ઉપાડી શકો છો. આ યોજનાથી દેશના 9 કરોડથી વધુ લોકોને તેનો લાભ મળશે.

1- ફ્રીમાં આધાર અપડેટ થશે બંધ 

જૂન મહિનામાં કરવામાં આવનારો આગામી ફેરફાર આધાર કાર્ડ સાથે સંબંધિત છે. વાસ્તવમાં, UIDAI એ આધાર વપરાશકર્તાઓને મફત આધાર કાર્ડ અપડેટની સુવિધા આપી છે અને તેની અંતિમ તારીખ 14 જૂન છે. મતલબ કે, જો તમે આ છેલ્લી તારીખ સુધીમાં આધાર મફત અપડેટ કરાવી શકતા નથી, તો આ કાર્ય માટે 50 રૂપિયાની નિશ્ચિત ફી ચૂકવવી પડશે.

2 - ક્રેડિટ કાર્ડ સંબંધિત નિયમો

પહેલી તારીખથી ત્રીજો મોટો ફેરફાર ક્રેડિટ કાર્ડ વપરાશકર્તાઓ સાથે સંબંધિત છે. જો તમે કોટક મહિન્દ્રા બેંક ક્રેડિટ કાર્ડનો ઉપયોગ કરો છો, તો તમને 1 જૂનથી મોટો ઝટકો લાગી શકે છે. જો આ બેંકના ક્રેડિટ કાર્ડ વપરાશકર્તાનો ઓટો ડેબિટ ટ્રાન્ઝેક્શન નિષ્ફળ જાય, તો બેંક દ્વારા 2 ટકાનો બાઉન્સ ચાર્જ લાગુ કરી શકાય છે. આ ઓછામાં ઓછો 450 રૂપિયા અને મહત્તમ 5000 રૂપિયા હોઈ શકે છે.

3 - CNG-PNG અને ATF ની કિંમત
1 જૂન, 2025 ના રોજ ચોથો સૌથી મોટો ફેરફાર CNG-PNG અને ATF ની કિંમત સંબંધિત હોઈ શકે છે. ઓઇલ માર્કેટિંગ કંપનીઓ દર મહિનાની પહેલી તારીખે LPG સિલિન્ડરની કિંમતો તેમજ એર ટર્બાઇન ફ્યુઅલ (ATF કિંમત) ની કિંમતોમાં સુધારો કરે છે. તેની કિંમતો મે મહિનામાં ઘટાડવામાં આવી હતી અને જૂનની શરૂઆતમાં પણ તેમાં ફેરફાર થઇ શકે છે.

4 - LPG સિલિન્ડરના ભાવ

દર મહિનાની પહેલી તારીખે LPG સિલિન્ડરના ભાવ બદલાય છે. પહેલી જૂને પણ તેમાં ફેરફાર થઈ શકે છે. મે મહિનાની શરૂઆતમાં, જ્યારે ઓઇલ માર્કેટિંગ કંપનીઓએ 14 કિલોગ્રામના ઘરેલુ ગેસ સિલિન્ડરના ભાવ યથાવત રાખ્યા હતા, ત્યારે 19 કિલોગ્રામના કોમર્શિયલ LPG સિલિન્ડરના ભાવમાં પ્રતિ સિલિન્ડર 17 રૂપિયા સુધીનો ઘટાડો કરવામાં આવ્યો હતો.

5 - FD વ્યાજ અને લોન થશે સસ્તી 

બેંકો જૂનમાં ફિક્સ્ડ ડિપોઝિટ અને લોનના વ્યાજ દરમાં ફેરફાર કરી શકે છે. કારણ કે રિઝર્વ બેંકે રેપો રેટમાં ઘટાડો કર્યો છે અને આવનાર સમયમાં હજુ પણ રેપો રેટ ઘટે તેવી શક્યતાઓ છે ત્યારે જે ઘટાડો કયો છે તેની અસર ૧ જુનથી થઇ શકે છે જેને લઇને લોનના ઈએમઆઈમાં  ઘટાડો થઇ શકે છે. અને લોકોને આ મોંઘવારીના મારમાં આંશિક રાહત મળી શકે છે   

6 - મ્યુચ્યુઅલ ફંડ નિયમો
સેબીએ રાતોરાત મ્યુચ્યુઅલ ફંડ યોજનાઓ માટે નવો કટ-ઓફ સમય લાગુ કર્યો છે. આ નિયમ 1 જૂનથી, ઑફલાઇન વ્યવહારો માટે બપોરે 3 વાગ્યા અને ઑનલાઇન વ્યવહારો માટે સાંજે 7 વાગ્યાથી લાગુ થશે. આ પછી કરવામાં આવેલા ઓર્ડર આગામી કાર્યકારી દિવસે ધ્યાનમાં લેવામાં આવશે.

7 - UPI વ્યવહારો
NPCI એ UPI સંબંધિત એક નવો નિયમ લાગુ કર્યો છે, જે હેઠળ UPI ચુકવણી કરતી વખતે, વપરાશકર્તા ફક્ત 'અલ્ટિમેટ બેનિફિશિયરી'  એટલે કે બેંકમાં આપનું જે નામ પર એકાઉન્ટ હશે તેજ નામ ડિસ્પ્લે થશે.   QR કોડ અથવા એડિટ કરેલ નામ હવે દેખાશે નહીં. આ નિયમો 30 જૂન સુધીમાં તમામ UPI એપ્સ પર લાગુ થઈ શકે છે.

* આ રીતે આવતીકાલથી નવા નિયમો સાથે ઘણા ફેરફાર જોવા મળશે જેમાં આપડા ઘરના ખર્ચમાં થઈ જશે ફેરફાર