મહિલા કોલેજ અંડર બ્રિજ પાસે વૃદ્ધાના ગળામાંથી 1.38 લાખની માળાની ચીલઝડપ

  • May 15, 2025 03:54 PM 
Aajkaal Daily (Desh Pardesh Ni Aajkaal)
શહેરના મહિલા કોલેજ અંડર બ્રિજ નજીક પતિ સાથે એકટીવામાં જઈ રહેલા વૃદ્ધાના ગળામાં ઝોંટ મારી સમડી 1.38 લાખની સોનાની માળા આંચકી ગયા અંગે માલવીયાનગર પોલીસ સ્ટેશનમાં ફરિયાદ નોંધાવવામાં આવી છે.


જાણવા મળતી વિગતો મુજબ, રેસકોસ પાર્કની પાછળ સ્વસ્તિક સોસાયટી શેરી નંબર -3 માં રહેતા લાભુબેન મનુભાઈ કોરીંગા (ઉ.વ 76) નામના વૃદ્ધાએ માલવીયાનગર પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, તેઓ આજરોજ સવારના કાલાવડ રોડ પર કે.કે.વી. ચોક પાસે રહેતા તેમના ભત્રીજા કાંતિલાલ ભગવાનજીભાઈના ઘરે બેસવા માટે પતિ મનુભાઈ સાથે એકટીવા માં જતા હતા.


દરમિયાન પોણા નવ વાગ્યા આસપાસ કાલાવડ રોડ પર મહિલા કોલેજ અંડરબ્રિજ પાસે લોહાણા સમાજ વાડી ભવાની ગોલા પાસે પહોંચતા નંબર પ્લેટ વગરના બાઈકમાં આવેલો શખસ મહિલાના ગળામાંથી સોનાની માળા આંચકી ગયો હતો. જેથી તેમના પતિએ એક્ટિવા ઊભું રાખી દીધું હતું. પરંતુ ત્યાં સુધીમાં આ શખસ નાસી ગયો હતો. આ બાબતે પોલીસને જાણ કરી હતી બાદમાં તેમણે અજાણ્યો શખ્સ ગળામાંથી રૂપિયા 1.38 લાખની કિંમતની સોનાની માળા ચીલઝડપ કરી ગયા અંગે માલવીયાનગર પોલીસ સ્ટેશનમાં ફરિયાદ નોંધાવી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application