શહેરના મવડી કણકોટ રોડ પર સમી સાંજના મોબાઇલની ફ્લેશલાઇટ ચાલુ કરી પગપાળા જઇ રહેલ યુવાન પાસે બાઈકચાલકે આવી હાથમાંથી મોબાઇલ ફોન આંચકી લીધો હતો. જે અંગે યુવાને તાલુકા પોલીસ સ્ટેશનમાં ફરિયાદ નોંધાવી છે.

બનાવવાની જાણવા મળતી વિગતો મુજબ, મવડી કણકોટ રોડ પર શ્યામલ ઉપવન સોસાયટીની સામે રહેતા રોહિત રાજુભાઈ વડેચા નામના યુવાને તાલુકા પોલીસ સ્ટેશનમાં નોંધાવેલી ફરિયાદમાં જણાવ્યું હતું કે તા. 27/3 ના સાંજના આઠેક વાગ્યે આસપાસ અંધારૂ હોય મોબાઈલ ફોનની ફ્લેશલાઇટ ચાલુ કરી ચાલતા ચાલતા શ્યામલ ઉપવન સોસાયટીની પાછળ આવેલ ખુલ્લા પટમાં બેસવા માટે જતો હતો. ત્યારે વિઠ્ઠલ રાદડિયા ચોકથી થોડે આગળ મવડી ગામ તરફ મવડી કણકોટ રોડ પર પહોંચતા પાછળથી બાઈકમાં આવેલા આ શખસે અચાનક ઝોંટ મારી યુવાનના હાથમાંથી મોબાઈલ ફોન આંચકી લીધો હતો અને આ શખસ મવડી તરફ જતો રહ્યો હતો. યુવાને બુમાબૂમ કરી હતી પરંતુ કોઈ હાજર ન ન હતું. બાદમાં યુવાન ઘરે ગયો હતો અને આ મામલે ઘરે વાત કર્યા બાદ પોતાની પાસે રહેલ રૂ.21,999 ની કિંમતનો મોબાઇલ ફોન અજાણ્યો શખસ હાથમાંથી ચીલઝડપ કરી લઈ ગયા અંગે આ ફરિયાદ નોંધાવી છે. જે ફરિયાદના આધારે તાલુકા પોલીસ તપાસ હાથ કરી છે.