શહેરના નિર્મળનગર વિસ્તારમાં શેરી નંબર-૧૦માં દરબાર હાઉસ પાછળના ભાગે રહેતા ચંદ્રસિંહ પ્રભાતસિંહ સોલંકીએ નિલમબાગ પોલીસ મથકમાં તેના મિત્ર વિશાલ ભરતભાઈ જોધાણી સામે ફરીયાદ નોંધાવી હતી કે, બપોરના અરસા દરમિયાન તેઓ અને તેના મિત્ર વિશાલ જોધાણી બન્ને અપ્સરા, ઝીરો નંબરની શેરી પાસે બેઠાહતા. ત્યારે વાતો કરતા કરતા વિશાલે તેને અપશબ્દો બોલતા તેને અપશબ્દો બોલવાની ના પાડતા ઉશ્કેરાઈ તેના આડેધડ ઢીંકાપાટુનો માર મારી આખા શરીરે લોખંડના પાઈપના ઘા ફટકારી ઈજા પહોંચાડી જાનથી મારી નાખવાની ધમકી આપી હતી. દરમિયાન ઈજાગ્રસ્ત હાલતે યુવકને ભાવનગર સર.ટી. હોસ્પિટલ સારવારમાં  ખસેડવામાં આવ્યો હતો. જયારે બનાવના પગલે નિલમબાગ પોલીસે શખસ સામે ગુનો દાખલ કરી ધોરણસર કાર્યવાહી હાથ ધરી હતી.