બનાવની જાણવા મળતી વિગતો મુજબ, ધોરાજી પંથકમાં આવેલ એક ગામમાં રહેતી મહિલાએ નોંધાવેલ ફરિયાદમાં આરોપી તરીકે ગામના જ 26 વર્ષના એક શખસનું નામ આપ્યું હતું જે મામલે પાટણવાવ પોલીસે દુષ્કર્મ,પોકસો સહિતની કલમો હેઠળ ગુનો નોંધી તપાસ હાથ ધરી છે.

પોલીસે ફરિયાદીને ટાંકીને આપેલી વિગતો મુજબ, ફરિયાદીની 16 વર્ષની સગીર પુત્રી હાલ અભ્યાસ કરે છે તેમને ગામના જ એક 26 વર્ષના અપરિણીત શખ્સે પ્રેમજાળમાં ફસાવી હતી. જે બાદ સગીરા જ્યાં રહેતી હતી તેનાથી થોડે દૂર જ આરોપીનું એક મકાન આવેલું છે જ્યાં આરોપી સગીરાને લલચાવી ફોસલાવીને ત્યાં લઈ જઈ અવારનવાર દુષ્કર્મ આચરતો હતો. દરમિયાન સગીર પુત્રી ઘરે મોડી પહોંચતા માતા પિતાએ તેને તે બાબતે વાત કરતાં સગીરાએ હકિકત જણાવી કહ્યું હતું કે, આરોપી તેને લલચાવી ફોસલાવીને પોતાના ઘરે લઈ જઈ બળજબરીથી શરીર સંબંધ બાંધતો હતો.

જે વાતની પરિવારને જાણ થતા જ તેઓ તુરંત જ પોલીસ મથકે દોડી આવ્યા હતા અને બનાવ અંગેની વાત કરી ફરિયાદ નોંધાવી હતી. બનાવ અંગેની ફરિયાદ પરથી પાટણવાવ પોલીસે ગુનો નોંધી આરોપીની ઝડપી લેવા તપાસ હાથ ધરી છે