લીલીયાના પીપળવા રોડ પાસે પુરપાટ ઝડપે આવતા ડમ્પરે બાઈકને ઠોકરે લેતા ચાલક ૬૪ વર્ષીય પ્રૌઢ ડમ્પરના જોટામાં આવી જતા ઘટના સ્થળે જ કમકમાટી ભર્યું મોત નીપજ્યું હતું. બનાવના પગલે લીલીયા પોલીસને જાણ કરવામાં આવતા પોલીસ દોડી ગઈ હતી.પ્રાપ્ત વિગત મુજબ લીલીયાના વાઘણીયા ગામે રહેતા ગભરૂભાઇ પોપટભાઈ શિંગાળા (ઉ.વ.૬૪)નામના પ્રૌઢ ગઈકાલે પોતાનું મોટર સાઇકલ લઇ લીલીયાથી વઘાણીયા ઘરે આવતા હતા ત્યારે પીપળવા રોડ પર પૂર પાટ ઝડપે આવેલા જીજે ૧ વી ૭૯૪૮ નંબરના ડમ્પરએ બાઈકને ઉલાળતા ચાલક પ્રૌઢ ડમ્પરના પાછળના જોટામાં આવી જતા ઘટના સ્થળે જ મોત નીપજ્યું હતું. અકસ્માત સર્જાતા આસપાસના ગ્રામજનો દોડી આવ્યા હતા અને લીલીયા હોસ્પિટલએ ખસેડવામાં આવતા ફરજ પરના તબીબે પ્રૌઢને મૃત જાહેર કર્યા હતા. બનાવથી પરિવારમાં શોક છવાયો છે. અકસ્માત સર્જી્ નાશીજનાર અજાણ્યા ડમ્પર ચાલક સામે મૃતકના ભાણેજ રવિન્દ્ર પ્રાગજીભાઈ શેલડીયાની ફરિયાદના આધારે પોલીસે ગુનો નોંધી શોધખોળ હાથ ધરી છે.