રાજકોટ મહાનગરપાલિકાની ફાયર બ્રિગેડ ટીમ યારે કોઈપણ એપાર્ટમેન્ટ, કોમ્પ્લેકસ, સોસાયટી,હોસ્પિટલ સ્કૂલ કોલેજ સહિતના કોઈ પણ સંકુલમાં ફાયર સેફટીનું ચેકિંગ કરવા માટે જાય અને ત્યાં આગળ રહેતા કે વેપાર ધંધો કરતા નાગરિકોને ફાયર સેફટીની તાલીમ આપવા માટે અપીલ કરે તેમ છતાં જો તાલીમ આપવા માટે કે મોકડ્રીલ યોજવા માટે સહમતી દાખવવામાં નહીં આવે તો જે તે સંકુલને નોટિસ ફટકારવામાં આવશે અને ભવિષ્યમાં ત્યાં આગળ કોઈ ઘટના કે દુર્ઘટના બને તો તે માટે સંકુલના વડા અથવા તો પ્રમુખની જવાબદારી સુનિશ્ચિત કરવામાં આવશે તેમ ચીફ ફાયર ઓફિસરે જણાવ્યું હતું. બચાવ કાર્ય કરવું એ નાગરિકોની ફરજ છે એ રીતે બચાવ કાર્ય માટેની તાલીમ લેવી એ પણ નાગરિકોની ફરજ છે.

વિશેષમાં રાજકોટ મહાનગરપાલિકાની ફાયર એન્ડ ઇમરજન્સી શાખાના ચીફ ફાયર ઓફિસર ઇલેશ ખેર એ જણાવ્યું હતું કે રાજકોટ શહેરમાં ફાયર સેફટીનું ચેકીંગ, નાગરિકોને ફાયર સેફટીની ટ્રેનિંગ અને મોકડિ્રલની કામગીરી લગાતાર તા.૩૧–૩–૨૦૨૩થી ચાલુ છે. આમ છતાં હજુ પણ ઘણા વિસ્તારો, સોસાયટી, એપાર્ટમેન્ટસ તેમજ કોમર્શિયલ કોમ્પ્લેકસ વિગેરે સહકાર આપતા નથી. ફાયર બ્રિગેડ તાલીમ આપવા કે મોકડ્રીલ માટે જાય ત્યારે સહકાર આપવાના બદલે ના કહે છે, અથવા તો એકત્રિત થતા નથી. આથી હવે આવી સોસાયટીઓ અને સંકુલોને નોટિસ ફટકારવાનું શ કરાયું છે. ભવિષ્યમાં જે તે વિસ્તારમાં આગ કે અકસ્માત જેવી કોઈ દુર્ઘટના બને ત્યારે ફાયર બ્રિગેડની ટીમ યારે ચેકિંગ, ટ્રેનિંગ, મોકડ્રીલ વિગેરે માટે બિલ્ડીંગમાં ગઇ હોય ત્યારે સહયોગ આપ્યો હતો કે નહીં ? તેની નોંધ કરાશે તેમજ સોસાયટી, એપાર્ટમેન્ટ, કોમ્પ્લેકસ વિગેરના પ્રમુખની જવાબદારી ફિકસ કરાશે.આ રીતે પણ વધુ લોકોને તાલીમમાં જોડાશે.

વિશેષમાં ચીફ ફાયર ઓફિસરએ જણાવ્યું હતું કે અત્યાર સુધીમાં ૭૩૧ સ્થળોએ મોકડ્રીલ યોજી શહેરમાં કુલ ૩૨૦૯૦ નાગરિકોને તાલીમ આપવામાં આવી છે જેમાં ૪૧૯ હાઇરાઈઝ બિલ્ડીંગમાં ૧૩૪૧૫ નાગરિકો ૬ કોલેજમાં ૫૩૦ સ્ટુડન્ટસ, ૧૦૬ સ્કૂલમાં ૧૫૨૨૬ સ્ટુડન્ટસ, ૧૩ કચેરીઓમાં ૫૪૨ કર્મચારીઓ, ત્રણ હોટલમાં ૮૦ કર્મચારીઓ, ૧૭૪ હોસ્પિટલમાં ૧૭૨૮ ડોકટર્સ સહિતનો સ્ટાફ તેમજ છ ઇન્ડસ્ટ્રીઝમાં ૩૯૦ નાગરિકોને તાલિમ અપાઇ હતી