સમગ્ર રાજ્યની ૬૬ નગરપાલિકા સાથે હાલાર પંથકની છ નગરપાલિકાનો ચૂંટણી કાર્યક્રમ આજે જાહેર થયો છે. સાથે જ આચાર સહિતા આજથી લાગુ પડી દેવામાં આવી છે. આગામી તારીખ ૧૬ મી ફેબ્રુઆરી ના મતદાન અને ૧૮ મી એ મતગણતરી હાથ ધરવામાં આવશે.

રાજ્યની સ્થાનિક સ્વરાજ્યની સંસ્થાઓ ની ચૂંટણી કાર્યક્રમ આજે રાજ્ય ના ચૂંટણી આયોગ દ્વારા જાહેર કરવામાં આવ્યો છે. રાજ્યની ૬૬  નગરપાલિકામાં ચૂંટણી યોજનાર છે. તેમાં હાલાર ની છ નગર પાલિકા જેમા ધ્રોલ, જામજોધપુર, કાલાવડ, સલાયા , ભાણવડ અને દ્વારકા નગરપાલિકા નો સમાવેશ થયો છે.

આ ચૂંટણી માટેનું જાહેરનામું તારીખ ૨૭ જાન્યુઆરી ના પ્રસિદ્ધ થશે . અને ઉમેદવારી પત્ર ભરવાનો પ્રારંભ થશે. ઉમેદવારીપત્ર  ભરવાની છેલ્લી તારીખ ૧  ફેબ્રુઆરી છે. તારીખ ૩ ના ઉમેદવારી પત્રોની ચકાસણી થશે અને તારીખ ૪ ના ઉમેદવારી પત્ર પાછા ખેચી શકાશે. 

આ પછી તારીખ ૧૬ ફેબ્રુઆરી ના સવારે ૭ વાગ્યા થી સાંજે ૬  વાગ્યા સુધી મતદાન પ્રક્રિયા હાથ ધરાશે. જ્યારે તારીખ ૧૮ /૨/ ૨૫  ના મતગણતરી હાથ ધરવામાં આવશે.