છેલ્લા થોડા દિવસોની માફક આજે પણ ગિરનાર પર્વત અને જુનાગઢ શહેર સિવાય રાજયના મોટાભાગના વિસ્તારમાં લઘુતમ તાપમાનના પ્રમાણમાં સામાન્ય વધઘટ થઈ છે. પરંતુ ભેજનું પ્રમાણ ૭૫ થી ૮૦% થઈ જવાથી અને પવનની ગતિ સરેરાશ ૧૦ થી ૧૫ કિલોમીટરની આસપાસ રહેતા કાતિલ ઠાર અને બરફીલો પવન વધી ગયો છે. તેના કારણે ઠંડીની તીવ્રતા પણ વધી ગઈ છે.
ગિરનાર પર્વત ઉપર ગઈકાલે ૧૬.૨ ડિગ્રી લઘુતમ તાપમાન હતું તે આજે એક સાથે ૧૧ ડિગ્રી જેટલું ઘટીને માત્ર પાંચ ડિગ્રી થઈ ગયું છે. જુનાગઢ શહેરમાં ૧૦ અને ભવનાથ તળેટીમાં આઠ ડિગ્રી લઘુતમ તાપમાન નોંધાયું છે. વાતાવરણમાં ભેજનું પ્રમાણ ૭૫% નોંધાયું છે.
આવી જ રીતે પોરબંદરમાં પણ આજે એક ધડાકે સાડા ત્રણ ડિગ્રી જેટલું તાપમાન નીચે ઉતરી ગયું છે. પોરબંદરમાં ગઈકાલે ૧૪ અને આજે ૧૦.૫ ડિગ્રી લઘુતમ તાપમાન રહેવા પામ્યું છે. રાજકોટના લઘુતમ તાપમાનમાં ખાસ ફેરફાર થયો નથી. ગઈકાલે ૯.૫ અને આજે ૯.૪ ડિગ્રી લઘુતમ તાપમાન રહ્યું છે.
નલિયામાં એકાદ ડિગ્રીના ઘટાડા સાથે આજનું લઘુતમ તાપમાન ૫.૮ ડિગ્રી નોંધાયું છે. નલિયામાં ગઈકાલે ૬.૪ ડિગ્રી લઘુતમ તાપમાન હતું.
અમરેલીમાં ગઈકાલે ૧૨.૬ અને આજે ૧૧ ભાવનગરમાં ગઈકાલે ૧૫.૪ અને આજે ૧૪ દ્રારકામાં ગઈકાલે ૧૬.૨ અને આજે ૧૫ ઓખામાં ગઈકાલે ૧૯.૨ અને આજે ૧૮.૪ ડિગ્રી લઘુત્તમ તાપમાન નોંધાયું છે. વેરાવળમાં એકાદ ડિગ્રીના ઘટાડા સાથે આજે ૧૪.૭ ડીગ્રી લઘુતમ તાપમાન રહ્યું છે. કંડલામાં આજનું લઘુત્તમ તાપમાન ૧૪ ડિગ્રી નોંધાયું છે.
સુરતમાં ગઈકાલે ૧૬.૮ અને આજે ૧૬.૪ ડિગ્રી લઘુતમ તાપમાન રહેલું છે. સુરતના તાપમાનમાં સામાન્ય ઘટાડો નોંધાયો છે પરંતુ અમદાવાદ ડીસા ગાંધીનગર વડોદરામાં લઘુતમ તાપમાન સામાન્યથી એકાદ ડિગ્રી જેટલું ઐંચું થયું છે. અમદાવાદમાં આજે ૧૪.૪ ડીસામાં ૧૩.૭ ગાંધીનગરમાં ૧૪.૪ અને વડોદરામાં ૧૫ ડિગ્રી લઘુતમ તાપમાન નોંધાયું છે. નોર્થ વેસ્ટ ઇન્ડિયાને અસર કરે તેવું એક વેસ્ટર્ન ડિસ્ટર્બન્સ આવતીકાલે સર્જાવાનું છે અને ત્યાર પછી પાંચ દિવસના સમયાંતરે બીજું વેસ્ટર્ન ડિસ્ટર્બન્સ તારીખ ૨૭ ના હિમાલયન રિજયલમાં સર્જાવાનું હોવાથી આગામી સાહથી ઠંડીના પ્રમાણમાં વધારાની શકયતા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationહાલારમાં રામનવમીની ભકિતભાવપુર્ણ ઉજવણી: તડામાર તૈયારી
April 05, 2025 12:02 PMદ્વારકામાં ભગવાન કૃષ્ણ-રુક્મિણીના લગ્નોત્સવની તૈયારીઓ
April 05, 2025 11:54 AMજામનગરમાં વધુ એક શખ્સ પાસા હેઠળ જેલમાં ધકેલાયો
April 05, 2025 11:49 AMશ્રીનાથજી દાદા દાણીધારધામ ખાતે મંગળવારે વિષ્ણુ યજ્ઞ
April 05, 2025 11:46 AMCopyright © 2022-2023 Aajkaal Daily
Developed by Rhythm Infotech