જ્યારે ફિલ્મોમાં સૌથી વધુ ફી વસૂલવાની વાત આવે છે ત્યારે શાહરૂખ ખાન અને રજનીકાંતનું નામ સૌથી ઉપર આવે છે પરંતુ હવે આ બંનેનો રેકોર્ડ સાઉથના એક અભિનેતાએ તોડી નાખ્યો છે. તે બીજું કોઈ નહીં પણ તમિલ અભિનેતા થલપતિ વિજય છે. વિજય બોક્સ ઓફિસ પર રાજ કરે છે. તેની ફિલ્મોએ કમાણીના મામલામાં ઘણા રેકોર્ડ તોડ્યા છે. તેનું નામ સૌથી વધુ કમાણી કરનારા કલાકારોની યાદીમાં સામેલ છે. હવે તે સૌથી વધુ કમાણી કરનાર અભિનેતા પણ બની ગયો છે. આ દિવસોમાં થલપતિ વિજય તેની આગામી ફિલ્મ થલપતિ 69નું શૂટિંગ કરી રહ્યો છે. આ તેની છેલ્લી ફિલ્મ છે.

થલપતિ  વિજયની ફિલ્મ GOAT તાજેતરમાં રિલીઝ થઈ હતી. જેના માટે તેણે 200 કરોડ રૂપિયાની ફી લીધી હતી. આગામી પ્રોજેક્ટ સાથે તેણે તેની ફી પણ વધારી દીધી છે. વિજયની ફી જાણીને ચોક્કસ ચોંકી જશો.

શાહરૂખ ખાનને છોડી દીધો પાછળ

અહેવાલો અનુસાર, થલપતિ વિજયે તેની આગામી ફિલ્મ થલપતિ  69 માટે 275 કરોડ રૂપિયાની ફી લીધી છે. જે બાદ તે ભારતનો સૌથી વધુ કમાણી કરનાર અભિનેતા બની ગયો છે. તેણે શાહરૂખ ખાનને પણ પાછળ છોડી દીધો છે. જે એક ફિલ્મ માટે 250 કરોડ રૂપિયા લે છે.

થલપતિ 69 છે છેલ્લી ફિલ્મ

જો અહેવાલોનું માનીએ તો અભિનયમાં પોતાની પ્રતિભા બતાવ્યા બાદ વિજય હવે રાજકારણમાં જઈ રહ્યો છે. તેણે ગયા મહિને પોતાની રાજકીય પાર્ટી તમિલનાડુ વિક્ટરી કોર્પોરેશનની જાહેરાત પણ કરી છે. વિજય છેલ્લે થલપતિ 69 માં જોવા મળશે. કેએચ વિનોદ આ ફિલ્મનું નિર્દેશન કરી રહ્યા છે. આ ફિલ્મ આવતા વર્ષે ઓક્ટોબરમાં રિલીઝ થશે.

થલપતિ વિજય 30 વર્ષથી વધુ સમયથી ઇન્ડસ્ટ્રીમાં છે અને તેણે તેની કારકિર્દીમાં અત્યાર સુધીમાં 68 ફિલ્મો કરી છે. હવે 69મી ફિલ્મ થલપતિ  69 બનવા જઈ રહી છે.