આઇટીઆર અને ટીડીએસ મર્યાદા વધારવામાં આવી છે. ટીડીએસની મર્યાદા વધારીને 10 લાખ કરવામાં આવી છે. ટેક્સ કપાતમાં વૃદ્ધો માટે મોટી જાહેરાત કરવામાં આવી છે, તેઓ ચાર વર્ષ સુધી રિટર્ન ફાઇલ કરી શકશે. વરિષ્ઠ નાગરિકો માટે ટેક્સ પર છૂટ બમણી કરવામાં આવી છે. છૂટ મર્યાદા 50 હજારથી વધારીને 1 લાખ રૂપિયા કરવામાં આવી છે.

ભાડા પરની વાર્ષિક ટીડીએસની મર્યાદા 2.4 લાખ રૂપિયાથી વધારીને 6 લાખ રૂપિયા કરવામાં આવી છે. વરિષ્ઠ અને ખૂબ જ વરિષ્ઠ નાગરિકોને એનએસસી પર રાહત આપવામાં આવી છે. ઓગસ્ટ 2024થી પૈસા ઉપાડવા પર ટેક્સમાં છૂટ આપવામાં આવી છે.

છેલ્લા બજેટમાં (2023-24)માં વરિષ્ઠ નાગરિકો માટે બચત યોજનાની જમા મર્યાદા વધારવામાં આવી હતી. હવે આ યોજનાની મહત્તમ જમા મર્યાદા 15 લાખ રૂપિયાથી વધારીને 30 લાખ રૂપિયા કરવામાં આવી છે. મંથલી ઈન્કમ એકાઉન્ટ સ્કીમની ડિપોઝીટ લિમિટ પણ ગત વખતે વધારવામાં આવી હતી. હવે વ્યક્તિગત ખાતા માટે મહત્તમ જમા મર્યાદા 4.5 લાખ રૂપિયાથી વધારીને 9 લાખ રૂપિયા અને સંયુક્ત ખાતા માટે 9 લાખ રૂપિયાથી વધારીને 15 લાખ રૂપિયા કરવામાં આવી છે.

એટલું જ નહીં, છેલ્લા બજેટ (2023-24)માં વરિષ્ઠ નાગરિકોને ટેક્સમાં રાહત પણ આપવામાં આવી હતી. નવી કર વ્યવસ્થા હેઠળ, પગારદાર કર્મચારીઓ માટે પ્રમાણભૂત કપાત 50,000 રૂપિયાથી વધારીને 75,000 રૂપિયા કરવામાં આવી છે. એ જ રીતે પેન્શનરો માટે ફેમિલી પેન્શન પરની કપાત 15,000 રૂપિયાથી વધારીને 25,000 રૂપિયા કરવામાં આવી છે.