ગદર-2’ બાદ 2024માં ધૂમ મચાવશે અભિનેતા

લાંબા સમય પછી રૂપેરી પરદા પર આવી ને સની એ પોતાની આગવી ઓળખ જાળવી તો રાખી જ છે, ઔર મજબુત બનીને સ્ક્રીન ધ્રુજાવી રહ્યો છે.

બોલિવુડ એક્ટર સની દેઓલ માટે વર્ષ 2023 ખૂબ જ શાનદાર રહ્યું છે. 22 વર્ષની લાંબી રાહ બાદ જ્યારે 'ગદર-2' રિલીઝ થઈ ત્યારે તેને ધૂમ મચાવી હતી. હવે દરેક તેના નવા પ્રોજેક્ટની રાહ જોઈ રહ્યા છે. સની દેઓલની અપકમિંગ ફિલ્મનું શૂટિંગ શરૂ થઈ ગયું છે, તે ટૂંક સમયમાં જ ધૂમ મચાવશે.

હાલમાં જ એવી અટકળો ચાલી રહી હતી કે સની દેઓલને રણબીર કપૂરની ફિલ્મ 'રામાયણ'માં હનુમાનનો રોલ ઓફર કરવામાં આવ્યો છે. હાલમાં એક્ટર દ્વારા આને લઈને કોઈ ઓફિશિયલ જાહેરાત કરવામાં આવી નથી.

સની દેઓલ ખેતરોની વચ્ચે ડ્રાઈવિંગ કરતો જોવા મળે છે. પિંકવિલાના રિપોર્ટ મુજબ સની દેઓલ 'સફર' ટાઈટલ માટે શૂટિંગ કરી રહ્યો છે. જે આ વર્ષે થિયેટરોમાં પણ રિલીઝ થશે.

રિપોર્ટ મુજબ સની દેઓલની આ ફિલ્મમાં સલમાન ખાન પણ કેમિયો કરતો જોવા મળશે. બંને કલાકારો વચ્ચે શાનદાર બોન્ડિંગ છે. એવું કહેવામાં આવી રહ્યું છે કે સની દેઓલે પોતે ફોન કરીને સલમાન ખાનને કેમિયો કરવા માટે કહ્યું છે. જે બાદ સલમાન ખાને પણ સમય બગાડ્યા વિના હા પાડી દીધી હતી.