રાજકોટ જિલ્લા પોલીસ વડા હિમકરસિંહ દ્વારા અપાયેલી સૂચનાના પગલે શાપર વેરાવળ પોલીસ મથકના પીઆઇ આર.બી.રાણા તથા સ્ટાફ દ્વારા તપાસ કરી દારૂ-મારામારી સહિતના એકથી વધુ ગુનામાં પોલીસ ચોપડે ચડી ચૂકેલા ૧૫ અસમાજિક તત્વોના ગેરકાયદે દબાણો તોડી પાડવામાં આવ્યા હતાં.

શાપર પોલીસે કરેલી આ કાર્યવાહીમાં લાલો ઉર્ફે પરબત હાથીયાભાઇ વીજાણી( દારૂના ૮ ગુના), અખરાજ હરસુખભાઇ વાલા( ૫ ગુના), રાણશી ચનાભાઈ માલાણી (૪ ગુના) લાખા કરમણભાઈ ઘોડા(૩ ગુના), ભારતીબા કિશોરસિંહ જાડેજા ( ૫ ગુના), રામીબેન હીરાભાઈ માલાણી( ૧૧ ગુના), તેનો પુત્ર હિમકરણ હીરાભાઈ માલાણી (૭ ગુના), રાજીબેન મેઘાભાઈ માલાણી (૪ ગુના), જયેશ ઉર્ફે ઢીંગલી પ્રવીણભાઈ મંડલીક (૨ ગુના), સોહિલ ઉર્ફે રેહાન શાહનવાઝ ખરેડીયા(૨ ગુના), વિરેન્દ્ર ઉર્ફે નાનકો કિશોરસિંહ જાડેજા (દારૂ મારામારી જુગાર સહિતના ૭ ગુના), જીગર ઉર્ફે પ્રકાશ દિલીપભાઈ મારવાડી (દારૂ, મારામારીના ૧૭ ગુના), રવિરાજ કિશોરસિંહ જાડેજા (૨ ગુના) મોહદીશ મોહમ્મદહુસેન(૩ ગુના), આલીબેન દેવસુરભાઇ વાળા (૪ ગુના) નામના શખસોના સરકારી જગ્યામાં ખડકી દેવાયેલા હોટલ, પાકા મકાન, કાચી ઓરડીઓ સહિતના બાંધકામો પર બુલડોઝર ફેરવી દેવામાં આવ્યું હતું. પોલીસની આ કાર્યવાહીથી 5.07 કરોડની કિંમતની 1155 મીટર સરકારી જમીન પરથી દબાણ દૂર થયું હતું. શાપર વેરાવળ પોલીસની ગુનેગારો સામે કડક કાર્યવાહીથી અવારનવાર ગુના આચરતા અસામાજિક તત્વોમાં ફફડાટ ફેલાઈ ગયો છે.