શ્રદ્ધા કપૂર અને રાજકુમાર રાવની 'સ્ત્રી 2' વર્ષ 2024ની સૌથી વધુ રાહ જોવાતી ફિલ્મ હતી. આ ફિલ્મના ગીતો અને ટ્રેલરે રિલીઝ પહેલા જ એવું વાતાવરણ ઊભું કર્યું હતું કે લોકોમાં આ હોરર કોમેડી વિશે ઉત્તેજના ચરમસીમા પર હતી. જેને લઈને ટિકિટો એડવાન્સમાં બુક થઈ ગઈ હતી. આ ફિલ્મે રિલીઝ પહેલા જ પ્રી-ટિકિટ સેલમાં કરોડો કલેક્શન કર્યા હતા.

જ્યારે સ્વતંત્રતા દિવસના અવસરે 'સ્ત્રી 2' સિનેમાઘરોમાં રિલીઝ થઈ ત્યારે લોકો તેને જોવા માટે થિયેટરોમાં ઉમટી પડ્યા હતા. આ હોરર કોમેડી ફિલ્મે રિલીઝના પહેલા દિવસે કેટલું કલેક્શન કર્યું છે?

'સ્ત્રી 2' એ તેની રિલીઝના પહેલા દિવસે કેટલી કમાણી કરી?

'સ્ત્રી 2'ની 15 ઓગસ્ટે થિયેટરમાં અક્ષય કુમારની ખેલ ખેલ મેં અને જોન અબ્રાહમની વેદા સાથે ટક્કર હતી. જોકે  આ બે મોટી ફિલ્મોની રિલીઝને કારણે શ્રદ્ધા કપૂર અને રાજકુમાર રાવની ફિલ્મ પર કોઈ અસર થઈ નથી. એડવાન્સ બુકિંગમાં 'સ્ત્રી 2' એ ખેલ ખેલ અને વેદાને માત આપી હતી એટલું જ નહીં, બૉક્સ ઑફિસ પર પણ 'સ્ત્રી 2'એ જોરદાર કમાણી કરીને આ બંને ફિલ્મોને ઘણી પાછળ છોડી દીધી છે. શ્રદ્ધા કપૂરની ફિલ્મે તેના પેઇડ પ્રિવ્યૂઝથી પણ ઘણી કમાણી કરી છે. હવે 'સ્ત્રી 2'ની રિલીઝના પહેલા દિવસની કમાણીના પ્રારંભિક આંકડા આવી ગયા છે.

રિપોર્ટ અનુસાર ફિલ્મ રિલીઝના પહેલા દિવસે ગુરુવારે 46 કરોડ રૂપિયાની કમાણી કરી છે.

 બુધવારે ફિલ્મે પેઇડ પ્રિવ્યૂથી 8.35 કરોડ રૂપિયાનું કલેક્શન કર્યું હતું. આ સાથે 'સ્ત્રી 2' એ પેઇડ પ્રિવ્યૂ અને ફર્સ્ટ ડે કલેક્શન સહિત રૂ. 54 કરોડની કમાણી કરી છે.

'સ્ત્રી 2' એ KGF 2, 'War' અને ગદર 2 નો રેકોર્ડ તોડી નાખ્યો

 'સ્ત્રી 2'નો ક્રેઝ પ્રેક્ષકોના પર ચઢી ગયો છે અને સોશિયલ મીડિયા પર પણ આ ફિલ્મના ખૂબ વખાણ થઈ રહ્યા છે. ફિલ્મની વાર્તાથી લઈને સ્ટારકાસ્ટના અભિનય સુધી તેણે દર્શકોના દિલ જીતી લીધા છે. જેના કારણે 'સ્ત્રી 2'નું બમ્પર ઓપનિંગ થયું છે. 54 કરોડની ઓપનિંગ સાથે આ ફિલ્મે KGF 2 અને War સહિત ઘણી ફિલ્મોના ઓપનિંગ ડે કલેક્શનના રેકોર્ડ તોડી નાખ્યા છે.

 'સ્ત્રી 2' એ ઓપનિંગ ડે પર 54 કરોડ રૂપિયાનું કલેક્શન કર્યું

• KGF ચેપ્ટર 2 પ્રથમ દિવસનું કલેક્શન રૂ. 53.95 કરોડ હતું
  
  
• વોરે ઓપનિંગ ડે પર 53.35 કરોડ રૂપિયાની કમાણી કરી હતી.
  
  
• બાહુબલી-2 એ પહેલા દિવસે 41 કરોડ રૂપિયાનું કલેક્શન કર્યું હતું
• ગદર-2 એ શરૂઆતના દિવસે 401.10 કરોડ રૂપિયાની કમાણી કરી હતી

'સ્ત્રી 2'ની સ્ટાર કાસ્ટ

'સ્ત્રી 2'માં શ્રદ્ધા કપૂર, રાજકુમાર રાવ પંકજ ત્રિપાઠી, અપારશક્તિ ખુરાના અને અભિષેક બેનર્જી સહિત ઘણા કલાકારોએ મહત્વની ભૂમિકાઓ ભજવી છે. ફિલ્મમાં અક્ષય કુમાર અને તમન્ના ભાટિયાએ કેમિયો કર્યો છે. મેડોક ફિલ્મ્સ અને જિયો સ્ટુડિયોના બેનર હેઠળ દિનેશ વિજન અને જ્યોતિ દેશપાંડે દ્વારા તેનું નિર્માણ કરવામાં આવ્યું છે.