આજે ફ્લેટ શરૂઆત પછી, બજારમાં તેજી આવી છે. સતત બે સત્ર સુધી ઘટાડા બાદ, સેન્સેક્સ અને નિફ્ટી આજે લીલા નિશાન પર મજબૂત રીતે કારોબાર કરી રહ્યા છે. રિલાયન્સ ઇન્ડસ્ટ્રીઝ અને આઈસીઆઈસીઆઈ બેંક જેવા મુખ્ય શેરોમાં વધારાને કારણે, ટ્રેડિંગ સપ્તાહના પહેલા દિવસે, સેન્સેક્સ બપોરે 12:05 વાગ્યે 890 પોઈન્ટના વધારા સાથે 80103 પર ટ્રેડ કરી રહ્યો હતો, જ્યારે નિફ્ટી 50 પણ 254 પોઈન્ટના વધારા સાથે 24294 પર ટ્રેડ કરી રહ્યો હતો. જે બપોરે ૨:૩૦ વાગ્યે સેન્સેક્સ 1109ના ઉછાળા સાથે ૮૦,૩૨૧ના સ્તરે ટ્રેડ થયો હતો. જયારે નિફ્ટીમાં ૩૧૬ પોઇન્ટનો વધારો થયો હતો અને તે ૨૪, ૩૫૫ના સ્તરે ટ્રેડ થયો હતો.

મિડકેપ અને સ્મોલકેપમાં પણ થોડો ઉત્સાહ જોવા મળી રહ્યો છે. દરમિયાન, આજે સરકારી બેંકોમાં જોરદાર ખરીદી જોવા મળી રહી છે. નિફ્ટી પીએસયુ બેંક ઇન્ડેક્સમાં દોઢ ટકાનો વધારો થયો છે. ફાર્મા અને રિયલ્ટીમાં પણ થોડી ચમક જોવા મળી રહી છે, પરંતુ આજે આઈટી શેરોમાં પ્રોફિટ બુકિંગ જોવા મળી રહ્યું છે. મજબૂત પરિણામો જાહેર કર્યા પછી, રિલાયન્સ લગભગ ત્રણ ટકા વધીને નિફ્ટીનો ટોપ ગેઇનર બન્યો. નફો વધીને રૂ. ૧૯,૪૦૭ કરોડ થયો છે. રિટેલ અને જિયોએ પણ સારું પ્રદર્શન કર્યું. જીઓનો એઆરપીયુ 13 ટકા વધીને રૂ. 206 થયો. બોર્ડે 1 મેથી અનંત અંબાણીની એક્ઝિક્યુટિવ ડિરેક્ટર તરીકે નિમણૂકને મંજૂરી આપી.

વ્યાપક બજારોની વાત કરીએ તો, નિફ્ટી મિડકેપ 100 અને નિફ્ટી સ્મોલકેપ 100 સૂચકાંકો બેન્ચમાર્ક સામે નબળા દેખાઈ રહ્યા છે. સ્મોલકેપ ઇન્ડેક્સ ફ્લેટ ટ્રેડ કરી રહ્યો છે, જ્યારે મિડકેપ ઇન્ડેક્સમાં નજીવો વધારો જોવા મળ્યો છે. નિફ્ટી ઓટો ઇન્ડેક્સમાં અડધા ટકાનો વધારો જોવા મળી રહ્યો છે અને ફાર્મા ઇન્ડેક્સમાં 0.7 ટકાનો વધારો જોવા મળી રહ્યો છે.

બજાજ ફાઇનાન્સના ક્વાટર 4 પરિણામો આવતીકાલે જાહેર થશે. નફામાં ૧૮ ટકા અને વ્યાજ આવકમાં ૨૩ ટકાવધારો થવાની શક્યતા છે. તેમજ બજાર શેર બોનસ અને સ્પ્લીટ પર નજર રાખશે. ઉપરાંત, ટ્રેન્ટ, બીપીસીએલ અને અંબુજા સિમેન્ટના પરિણામોની પણ રાહ જોવામાં આવશે.

જિયોજિત ફાઇનાન્શિયલ સર્વિસીસના ચીફ ઇન્વેસ્ટમેન્ટ સ્ટ્રેટેજિસ્ટ વીકે વિજયકુમાર કહે છે કે યુએસ શેરબજારમાં વધારા અને બોન્ડ અને ડોલરમાં નબળાઈને કારણે, વિદેશી સંસ્થાકીય રોકાણકારોએ તેમની વ્યૂહરચના બદલી છે અને ભારતીય બજારોમાં ભારે ખરીદી શરૂ કરી છે. આ કારણે આજે ભારતીય શેરબજારમાં તેજી જોવા મળી રહી છે. છેલ્લા આઠ સત્રોમાં વિદેશી સંસ્થાકીય રોકાણકારોએ રૂપિયા 32,465 કરોડના ભારતીય શેર ખરીદ્યા છે.