સ્પેનના કાર્લોસ અલ્કારાઝે સતત બીજી વખત વિમ્બલ્ડન ટાઈટલ જીત્યું છે. લંડનના સેન્ટર કોર્ટમાં રવિવારે રમાયેલી ફાઇનલમાં તેણે સર્બિયાના નોવાક જોકોવિચને હરાવ્યો જેણે 24 ગ્રાન્ડ સ્લેમ જીત્યા છે.

સેન્ટર કોર્ટમાં 2 કલાક 27 મિનિટ સુધી ચાલેલી આ મેચમાં અલ્કારાઝે જોકોવિચને સીધા સેટમાં 6-2, 6-2, 7-6થી હરાવ્યો હતો. અલ્કારાઝે 2023માં વિમ્બલ્ડનનો ખિતાબ પણ જીત્યો હતો. અહીં પણ ફાઇનલમાં નોવાક જોકોવિચ તેની સામે હતો.

An outrageous rally and sliding Alcaraz finish ?‍?

This point had to be today's Play of the Day, presented by @BarclaysUK#Wimbledon pic.twitter.com/5TK6siGB60

— Wimbledon (@Wimbledon) July 14, 2024

અલ્કારાઝે 2022માં પ્રથમ ગ્રાન્ડ સ્લેમ જીત્યો

2022 એ અલ્કારાઝનું વર્ષ હતું. તેણે 31મી વરીયતા સાથે પ્રથમ વખત ઓસ્ટ્રેલિયન ઓપનમાં પ્રવેશ કર્યો હતો. તે ત્રીજા રાઉન્ડમાં જ હારી ગયો, પરંતુ મિયામી, મેડ્રિડ, રિયો અને કોન્ડે ગોડો ઓપન સહિત ચાર ATP ટાઇટલ જીત્યા. તે જ વર્ષે યુએસ ઓપન ફાઇનલમાં તેણે વિશ્વના નંબર-5 કાસ્પર રુડને 4-6, 6-2, 7-6, 6-3ના માર્જિનથી હરાવ્યા અને તેનું પ્રથમ ગ્રાન્ડ સ્લેમ જીત્યું હતું.

વિશ્વ નંબર-1 પણ બન્યો

તેમણે વર્ષનો અંત વર્લ્ડ નંબર-1 તરીકે કર્યો અને 2023માં પણ તે જ ફોર્મ ચાલુ રાખ્યું અને વિમ્બલ્ડનની ફાઇનલમાં પણ જીત મેળવી. અલ્કારાઝે આ વર્ષે એલેક્ઝાન્ડર ઝ્વેરેવને હરાવીને ફ્રેન્ચ ઓપનનો ખિતાબ જીત્યો હતો.