અત્યારે સૌની નજર રશિયાના કઝાનમાં આયોજિત 16મી બ્રિક્સ કોન્ફરન્સ પર છે. આ દરમિયાન એક તસવીર વાયરલ થઈ રહી છે. આ તસવીર અમેરિકા માટે ચિંતાનો વિષય છે. આ તસવીર સોશિયલ મીડિયા પર વાયરલ થઈ છે. આ તસવીરમાં પીએમ મોદી, ચીનના રાષ્ટ્રપતિ શી જિનપિંગ અને રશિયાના રાષ્ટ્રપતિ વ્લાદિમીર પુતિન સાથે બેઠા છે અને હસતા દેખાઈ છે.

વિશ્વના ત્રણ સૌથી શક્તિશાળી દેશો ભારત, રશિયા અને ચીનના ટોચના નેતાઓની આ હસતી તસવીર વિશ્વના સૌથી શક્તિશાળી દેશ અમેરિકાની ચિંતામાં વધારો કરતી હોવી જોઈએ. BRICS એ પાંચ ઉભરતી અર્થવ્યવસ્થાઓનો આંતરરાષ્ટ્રીય સમૂહ છે. જેમાં બ્રાઝિલ, રશિયા, ભારત, ચીન અને દક્ષિણ આફ્રિકાનો સમાવેશ થાય છે. જો કે આ વખતે ચાર નવા દેશ ઈરાન, ઈજીપ્ત, ઈથોપિયા અને સંયુક્ત આરબ અમીરાત પણ જોડાયા છે. બ્રિક્સ સમૂહના દેશો અમેરિકા માટે હંમેશા ચિંતાનો વિષય રહ્યા છે.

બ્રિક્સમાં PM મોદીનું ભવ્ય સ્વાગત

બ્રિક્સ સંમેલનમાં ભાગ લેવા આવેલા વડાપ્રધાન મોદીનું ભવ્ય સ્વાગત કરવામાં આવ્યું હતું. રશિયાના રાષ્ટ્રપતિ વ્લાદિમીર પુતિને તેમનું ઉષ્માભર્યું સ્વાગત કર્યું. તેમણે પીએમ મોદીને ગળે લગાવ્યા. આ પહેલા રશિયાના રાજ્ય તરસ્તાનના વડાએ એરપોર્ટ પર પીએમ મોદીનું સ્વાગત કર્યું હતું.

પછી પુતિન અને પીએમ મોદી વચ્ચે દ્વિપક્ષીય વાતચીત થઈ. આ દરમિયાન પીએમ મોદીએ કહ્યું કે છેલ્લા 3 મહિનામાં તેમનું બે વખત રશિયા આવવું એ બંને દેશોની મિત્રતાનો પુરાવો છે.

PM મોદી આજે શી જિનપિંગ સાથે કરશે મુલાકાત

આજે પાંચ વર્ષ બાદ પીએમ મોદી ચીનના રાષ્ટ્રપતિ શી જિનપિંગને મળશે. બંને દેશો વચ્ચે સરહદ વિવાદ ઉકેલવા અંગે કરવામાં આવેલી મહત્વની જાહેરાત બાદ આ પ્રથમ બેઠક છે. આ મીટિંગ પહેલા જ જે તસવીર વાયરલ થઈ છે તે ઘણું બધું કહી જાય છે, આ તસવીરમાં પુતિન, પીએમ મોદી અને જિનપિંગને જોડતા પુલની જેમ દેખાઈ રહ્યા છે.