દરિયાકાંઠાના વિસ્તારોમાં મહત્તમ તાપમાનના પ્રમાણમાં મામુલી રાહત થઈ છે પરંતુ વાતાવરણમાં ભેજનું પ્રમાણ એકાએક વધી જવાના કારણે કંડલા નલિયા ઓખા દ્વારકા પોરબંદર ભુજ માં સવારે ઝાકળ જોવા મળી હતી. દ્વારકામાં 90, કંડલા અને નલિયામાં 88, ભુજમાં 87% ભેજ આજે સવારે નોંધાયો છે. દરિયાકાંઠાના આ તમામ વિસ્તારોમાં મહત્તમ તાપમાન 35 થી 37 ડીગ્રી વચ્ચે હતું. પરંતુ ગઈકાલે તેમાં ઘટાડો થયો છે અને દ્વારકામાં 28.4, ઓખામાં 30 ડિગ્રી મહત્તમ તાપમાન થઈ ગયું છે. નલિયા, કંડલા, પોરબંદર સહિતના દરિયાકાંઠાના વિસ્તારોમાં મહત્તમ તાપમાનમાં ઘટાડો થયો હોવા છતાં 30 થી 35 ડિગ્રી આસપાસ રહ્યું છે.

હવામાન ખાતાના જણાવ્યા મુજબ આજે સવારે નોર્થ વેસ્ટ રાજસ્થાનમાં દરિયાની સપાટીથી 1.5 કીલોમીટર ની ઊંચાઈ પર સાયક્લોનિક સર્ક્યુલેશન જોવા મળ્યું છે અને તેમાંથી એક ટ્રફ પસાર થઈ રહ્યું છે. આ ટ્રફનો છેડો અરબી સમુદ્ર સુધી લંબાયો છે અને તેના કારણે દરિયાકાંઠાના વિસ્તારોમાં ભેજનું પ્રમાણ વધી ગયું છે. જોકે ગરમીના પ્રમાણમાં મામૂલી ઘટાડો થતાં અકળામણ અને બેચેની વધી જવા પામી છે.

મામૂલી ઘટાડા છતાં ગરમીનું પ્રમાણ યથાવત રહ્યું છે. ભુજમાં 37.1 નલિયામાં 32.8 અમરેલીમાં 37.9 ભાવનગરમાં 36.2 પોરબંદરમાં 35.5 વેરાવળમાં 35.6 દીવમાં 31 સુરેન્દ્રનગરમાં 38.5 વલ્લભ વિદ્યાનગરમાં 38.2 મહુવામાં ૩૬ કેશોદમાં 37.6 દાહોદમાં 35.2 જામનગરમાં 33.8 અને કંડલામાં 34.8 ડીગ્રી મહત્તમ તાપમાન નોંધાયું છે.

અમદાવાદમાં 37.7 ડીસામાં 34.9 ગાંધીનગરમાં 36 વડોદરામાં 37.4 સુરતમાં 37.7 દમણમાં 36.4 ડિગ્રી મહત્તમ તાપમાન રહ્યું છે. નવું એક વેસ્ટર્ન ડિસ્ટર્બન્સ આવી રહ્યું હોવાથી જમ્મુ કશ્મીર, લદાખ, હિમાલયન રિજીયન, પંજાબ, હરિયાણા, ચંદીગઢ, આસામ, મેઘાલય, અરુણાચલ, નાગાલેન્ડ, મિઝોરમ સહિતના રાજ્યોમાં વરસાદની આગાહી કરવામાં આવી છે.