ભારવાડા ગામે પત્તા ટીંચતી ચાર મહિલા સહિત છ ઝડપાયા છે તે ઉપરાંત ટ્રાફિક નિયમનો ભંગ કરનારા અને દા‚ના ધંધાર્થીઓ સામે પગલા લેવાયા છે.
જુગાર દરોડો
ભારવાડાના દેવાણા ફળિયામાં કેટલીક મહિલાઓ અને ઇસમો જાહેરમાં જુગાર રમી રહ્યા છે તેવી બાતમી મળતા બગવદર પોલીસે દરોડો પાડયો હતો અને ભારવાડાના વિરમ માલદે બોખીરીયા, મસરી સામત મૈયારીયા, નાથીબેન પુંજા મોઢવાડીયા, લાખીબેન કારા ઓડેદરા, મંજુબેન માલદે ઓડેદરા તથા બગવદરના જાયણીબેન સામત ખુંટી સામે ગુન્હો નોંધીને ધરપકડ કરી છે અને ૧૩૦૫૦ની રોકડ કબ્જે થઇ છે.
વાહનચાલકો સામે પગલા
શીશલીનો જયેશ આવળા મોઢવાડીયા જોખમી રીતે ટ્રક લઇ આડો અવળો ચલાવતા બોખીરાના રીલાયન્સ પેટ્રોલપંપ સામેથી નીકળતા પોલીસે પકડી લીધો હતો. રીણાવાડાનો છગન એભા બાપોદરા અને બખરલાના વાડીવિસ્તારનો વનરાજ વિરમ ખુંટી બંને દ્વારકા સોમનાથ નેશનલ હાઇવે પર ત્રણ માઇલ નજીક રોંગસાઇડમાં ટ્રક લઇને નીકળતા પકડી લેવાયા હતા.
દા‚નો દરોડો
છાયાના જુના વણકરવાસમાં કોમ્યુનીટી હોલ પાસે રહેતા જનક ઉર્ફે જીતુ મનસુખ શીંગરખીયાને છાયાના એસ.એસ.સી. રોડ પર સાતમાળિયા એપાર્ટમેન્ટ સામેથી ૧૨૦૦ ‚ા.ના દા‚ સાથે અને ઉદ્યોગનગરના જુના પોલીસ સ્ટેશન પાછળ રહેતા દામજી મણીલાલ બામણીયાને ૨૦૦ ‚ા.ના દા‚ સાથે પકડી લીધા હતા.