પોરબંદર જિલ્લામાં નશાની હાલતમાં અને આડેધડ વાહનપાર્ક કરનારાઓ સામે ઝુંબેશ યોજીને છ ઇસમોની ધરપકડ કરી છે. જામજોધપુરની વાંધારાસીમમાં રહેતા લખમણ પરબત મોઢવાડીયાને વનાણાના ટોલનાકા પાસેથી નશાની હાલતમાં ટ્રક ચલાવતા પકડી લેવાયો હતો. રાણાવાવના સ્ટેશન પ્લોટમાં લાદીના કારખાના પાસે રહેતા દીપક જેસા સોલંકીએ સ્ટેશનપ્લોટની ક્ધયાશાળા પાસે ભયજનક રીતે ટ્રક પાર્ક કરતા ધરપકડ થઇ છે. મૂળ જામજોધપુર તથા હાલ જામનગરના ગોકુલનગરમાં રહેતા ઉમેશ  રમેશ કુડેચા નશાની હાલતમાં બાઇક લઇ ડ્રાઇવીંગ લાયસન્સ વગર  કેન્દ્રીય વિદ્યાલય પાસેથી નીકળતા પોલીસે ધરપકડ કરી છે. પોલિટેકનિક  કોલેજ પાછળ વાછરાડાડાના મંદિર પાસે રહેતા વિરમ માલદે પરમાર જી.આઇ.ડી.સી. રોડ પર ભયજનક રીતે આડુઅવળુ સ્કૂટર ચલાવતા નીકળ્યો ત્યારે પોલીસે પકડયો હતો. ફટાણાના લાખા અરજન બથવારે ખાંભોદર રોડ પર મોલ પાસે ટ્રાફિકને અડચણ‚પ ટ્રક પાર્ક કરતા પોલીસે ધરપકડ કરી છે તે ઉપરાંત મોકર ગામના જેઠા પુંજા કોડીયાતર ફૂલસ્પીડે ટ્રક લઇ બગવદરના કાનાધાર પાસેથી નીકળતા તેની પણ ધરપકડ કરવામાં આવી છે.