ઉનાના કેસરિયા દીવ રોડ પર આવેલ સોનારી ગામ નજીક રસ્તા પર એક બાઈક અને કાર ચાલક વચ્ચે ગંભીર અકસ્માત સર્જાયો હતો. જેમાં બાઈકમાં સવાર પતિ પત્નિ અને એક સાથે બાળકી સહિત ત્રણને ઈજા પહોંચતા તાત્કાલિક ઉના ખાનગી હોસ્પિટલે સારવાર અર્થે ખસેડવામાં આવેલ છે.
કેસરીયા–દિવ રોડ પર બાઈક અને કાર વચ્ચે અકસ્માત સર્જાયો હતો. જેમાં બાઈકસવાર દિવના વણાકબારા રહેતાં હિતેશભાઇ હીરાભાઈ વૈશ્ય, હિનાબેન હિતેશભાઇ વૈશ્ય, તેમજ તેમની બાળકી વિશા હિતેશભાઇ વૈશ્ય, બાઈક પર વણાકબારા તરફ જતા હતા. ત્યારે સામેથી આવતી કારના ચાલકે કાબૂ ગુમાવતા બાઈકને હડફેટે લેતા બાઈકમાં બાળકી સહિત ત્રણને ઈજા પહોંચી હતી. જેમાં બાળકીને પગ હાથના ભાગે ગંભીર ઈજા પહોંચી હોવાનું જાણવા મળેલ છે. જોકે આ અકસ્માત સર્જાતા કાર પલ્ટી ખાઇ દૂર સુઘી ફંગોળાઈ ગયેલ જેમાં કાર ચાલક હરજી બારીયાને સામાન્ય ઈજા થઈ હતી.
આ અકસ્માત સર્જાતા કાર રસ્તા પરથી દૂર સાઈડમાં એક મંદિરની દિવાલ સાથે ધડાકાભેર અથડાતા દિવાલ ધરાશાઈ થયેલ અને કાર પલ્ટી ખાઇ હતી. જોકે કાર ચાલકનો બચાવ બચાવ થયો હતો અને તેને સમાન્ય ઇજા થઇ હતી. આ અકસ્માતમાં તમામ ચાર ઇજાગ્રસ્તોને ઇમરજન્સી ૧૦૮ એમ્બ્યુલન્સમાં ઉના ખાનગી હોસ્પિટલમાં સારવાર અર્થે ખસેડવામાં આવેલ હોવાનું જાણવા મળેલ છે