૨.૦૧ લાખનો મુદ્દામાલ કબજે: એસઓજી પોલીસની કાર્યવાહી

ખંભાળિયા તાલુકાના સલાયા ગામેથી એસ.ઓ.જી. પોલીસે ૭.૯૪૬ કિલોગ્રામ ગાંજા સહિત કુલ રૂપિયા ૨.૦૧ લાખના ઝડપાયેલા મુદ્દામાલ પ્રકરણમાં ચાર શખ્સોને સામે ફરિયાદ નોંધાઇ છે.
ખંભાળિયા તાલુકાના સલાયા ગામે રહેતા ઓસમાણ હાજી ઘાવડાની વાડીની આગળના ભાગેથી પોલીસે સલાયાના હુસેની ચોક વિસ્તારમાં રહેતા અને ખાનગી કંપનીમાં સિક્યુરિટી વિભાગમાં ફરજ બજાવતા અકરમ રજાક ઈશા સંઘાર નામના શખ્સને રૂપિયા ૭૯,૪૬૦ની હિંમતનગર ૭.૯૪૬ કિલોગ્રામ ગાંજા સાથે ઝડપી લીધો હતો. આ પ્રકરણમાં પોલીસે મોબાઈલ, મોટરસાયકલ સહિત કુલ રૂપિયા ૨,૦૧,૬૧૦ નો મુદ્દા માલ કબજે કર્યો હતો.
આ પ્રકરણમાં અકરમ સંઘાર સાથે ફરારી એજાજ રજાક સંઘાર, રિઝવાન રજાક સંઘાર અને જીલ ઉર્ફે જીલીયો કેતનભાઈ વાઘેલા (રહે. ખંભાળિયા) સામે પણ પોલીસે એન.ડી.પી.એસ. એક્ટની કલમ હેઠળ ગુનો નોંધી, આગળની તપાસ હાથ ધરી છે.