આ કેસની હકીકત મુજબ ગાંધીગ્રામ પોલીસ સ્ટેશનમાં ડબલ મર્ડર ગુનાનો આરોપી સાજીદ હુસેન કચરા પેરોલ જમ્પ કરી નાસી છૂટ્યો હતો. ત્યારબાદ ૨૦૧૯ની સાલમાં આરોપી સાજીદ કચરા ગેરકાયદેસર હથીયાર સાથે જતો હોય તેવી બાતમી મળતા ક્રાઈમ બ્રાન્ચની ટીમે વહેલી સવારે વોચ ગોઠવી નહેરૂનગર શેરીના ખૂણા પાસે સાજીદ હુસેન કચરા દેશી બનાવટની રિવોલ્વર અને પિસ્તોલ તેમજ છ જૂના કાર્ટીસ સાથે ઝડપી લીધો હતો. તેમાં આરોપી સાજીદ કચરા વિરૂધ્ધ આર્મ્સ એકટની કલમ હેઠળ વધુ એક ગુનો નોંધી જેલ હવાલે કર્યો હતો. જે કેસ અદાલતમાં ચાલવા ઉપર આવતા બન્ને પક્ષોની દલીલો તેમજ બચાવ પક્ષે રજૂ રાખેલ ચુકાદાઓ ધ્યાને લઈ અદાલત એવા તારણ પર આવેલ હતી કે, હાલનો કેસ દાખલ કરતા પહેલા જરૂરી એવી ડિસ્ટ્રિકટ મેજિસ્ટ્રેટની પરવાનગી લેવાઇ નથી, તેમજ તપાસ કરનાર અધીકારી દ્વારા કોઈ સ્વતંત્ર સાહેદોના નિવેદનો નોંધેલ નથી તેમજ પંચો પણ કેસને સમર્થન આપતા નથી, જે બચાવપક્ષની દલીલો માન્ય રાખી આરોપી સાજીદ હુસેન કચરાને નિર્દોષ ઠરાવી છોડી મુકવાનો હુકમ કરવામાં આવેલ હતો. આ કેસમાં આરોપી વતી યુવા ધારાશાસ્ત્રીઓ તુષાર ગોકાણી, રીપન ગોકાણી, કેવલ પટેલ, હાર્દિક શેઠ, ઉઝેર કુરેશી, જશપાલસિંહ જાડેજા, યશ વૈષ્ણવ, વિરમ ધ્રાંગીયા, નદિમ ધંધુકિયા, વિશાલ કૌશીક, ભુમિકા નંદાણી, દિવ્યમ દવે, નૈમીષ રાદડીયા અને કેવિન ભીમાણી રોકાયા હતા.