જામકંડોરણા તાલુકાના રાજપરા ગામની સીમમાં સ્ટેટ મોનિટરિંગ સેલની ટીમે દરોડો પાડી અહીંથી 500 પેટીથી વધુ દારૂનો જથ્થો ઝડપી લીધો હતો. સીમ વિસ્તારમાં દારૂના મોટા જથ્થાનું કટીંગ ચાલી રહ્યું હતું તે સમયે એસએમસી ત્રાટકી હતી. દરોડા દરમિયાન પોલીસે બે શખસોને ઝડપી લીધા હોવાનું જાણવા મળ્યું છે.

દારૂના આ દરોડાની જાણવા મળતી વિગતો મુજબ,સ્ટેટ મુનિટરિંગ સેલમાં ડીવાયએસપી કે.ટી.કામરીયાની રાહબરીમાં ટીમે જામકંડોરણા તાલુકાના રાજપરા ગામની સીમમાં દારૂનો મોટો જથ્થો ઝડપી લીધો હતો. અહીં દારૂના જથ્થાનું કટીંગ ચાલી રહ્યું હતું ત્યારે જ દરોડો પાડી 500 પેટીથી વધુ શરાબના જથ્થા સાથે બે શખ્સોને ઝડપી લીધા હોવાનું જાણવા મળ્યું છે.

એક તરફ હાલ રાજ્યભરમાં બુટલેગર સહિતના અસામાજિક તત્વો સામે પોલીસ દ્વારા કડક કાર્યવાહી કરવામાં આવી રહી છે. સ્થાનિક પોલીસ લિસ્ટેડ બુટલેગરોને તપાસી રહી છે. ત્યારે હવે સ્ટેટરિંગ સેલની ટીમે પણ રાજ્યમાં દારૂની રેલમછેલ કરનાર બુટલેગરો સામે કડક કાર્યવાહી શરૂ કરી દીધી છે. પોલીસને કામગીરીના આ તે બુટલેગરોમાં ફેલાઈ ગયો છે.