રાજકોટ, લોધિકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા રાજકોટના બેડી માર્કેટ યાર્ડને લાગુ પડતી ન હોય તેવી અનેક જાહેર રજાઓ રદ કરાઇ હોય આજે મહાવીર જયંતિની જાહેર રાજાના દિવસે યાર્ડ રાબેતા મુજબ ચાલું રહ્યું હતું. ખેડૂતોના ૧૨૦૦ વાહનોની એન્ટ્રી થઇ હતી. તમામ જણસીમાં આજે સૌથી વધુ ૨,૧૦,૦૦૦ મણ મેથીની આવક થઇ હતી.

વિશેષમાં રાજકોટ માર્કેટ યાર્ડના વેપારી વર્તુળોએ જણાવ્યું હતું કે આજની હરાજીમાં ધાણા ૮૪૦૦૦ મણ, સૌથી વધુ મેથીની આવક ૨,૧૦,૦૦૦ મણ, તુવેર ૫૨૫૦ મણ, કપાસ ૯૫૦૦ મણ,એરંડા ૭૦૦૦ મણ, કલોંજી ૪૫૦૦ મણ, સુકા મરચા ૪૦૦૦ મણ, વટાણા ૮૦૦૦ મણ, રાજમા ૪૧૨૫ મણ અને વરિયાળીની આવક ૬૦૦૦ મણ થઇ હતી. જણસીઓ ભરેલા વાહનોને ચેરમેન જયેશભાઇ બોઘરાના માર્ગદર્શન હેઠળ માર્કેટ યાર્ડમાં ક્રમવાર પ્રવેશ આપી ઉતરાઇ કરાવવામાં આવી હતી.